بەپەلە

خۆسەر منداڵی چەکدارێکی داعش رادەستی دانیمارک دەکاتەوە

- 11/21/2019 5:07:00 PM 738 جار خوێندراوەتەوە

خەندان -           

وەزارەتی پەیوەندیەکانی دەرەوەی بەڕێوەبەرایەتی خۆسەر رایگەیاند، منداڵێکی چەکدارێکی داعشی دانیمارکی، کە تەمەنی 11 مانگ بو رادەستی نێردەی وەزارەتی دەرەوەی دانیمارک کردەوە.

بەپێی ئاژانسی هەواڵی North-Press ، منداڵە دانیمارکیەکە لەخێزانێكی سەر بە چەکدارانی دەوڵەتی ئیسلامی داعش بوە، باوکی منداڵەکە لە جەنگەکانی دژی داعشدا کوژراوە.

ئەو سەرچاوەیە ئاماژەی بەوەشکرد، ئەو منداڵە لە کەمپی خێزانەکانی داعشدا لەحول لەلایەن کۆمەڵێک لە ژنانی داعشەوە پەروەردە کراوە، تا ئەو کاتەی لە دەروازەی سیمالکا رادەستی وڵاتەکەی کرایەوە.

تۆمارە فەرمیەکانی کەمپینی هۆل ئاماژە بەوە دەکەن، لەئێستادا 300 منداڵی بێباوک لەو کەمپە ئەژی و 113 منداڵیان لەژێر چاودێری رێکخراوە مرۆیەکانی ناو ئەو کەمپەدان.

لەمانگی رابردودا بەڕێوەبەرایەتی خۆسەری رۆژئاڤای کوردستان دو منداڵ كە برای یەكبون و لە خێزانەکانی داعش بون و رەگەزنامەی بیانیان هەبو، رادەستی وڵاتەکەیانی کردنەوە.

ئەو دو منداڵە رەگەزنامەی نەمساوییان هەبو، لە دەروازەی سیمێلکا لەسنوری نێوان هەرێمی کوردستان و بەڕێوەبەرایەتی خۆسەر رادەستی شاندی وەزارەتی دەرەوەی نەمسا کرایەوە.


Copyright © 2016 Xendan.org all rights reserved

designed and developed by AVESTA GROUP