بەپەلە

مەرجەعێکی شیعەکان بۆ خۆپیشاندەران: مافەکانتان لەلایەن سیاسییەکانەوە خوراوە

- 11/21/2019 3:07:00 PM 1114 جار خوێندراوەتەوە

خەندان-

قاسم تائی، یەکێک لە مەرجەعەکانی شیعە لە عێراق پەیامێکی ئاڕاستەی خۆپێشاندەران کرد و رایگەیاند، مافەکانی خەڵکی لەلایەن سیاسییەکانەوە خواراوە و بۆ هەمو دونیا رونبوەوە کە "عێراقییەکان ستەمکاری قبوڵناکەن و لەو پێناوەدا ئامادەی گیانبەخشینن".
ئەو دەستکەوتانەی خۆپیشاندەران لە عێرقدا بە دەستیان هێناوە، لە هیچ سەردەمێکدا هاوشێوەی نیە 

 

قاسم تائی، یەکێک لە مەرجەعەکانی شیعە لە عێراق لە راگەیەندراوێکدا رایگەیاند، "ئەو دەستکەوتانەی خۆپیشاندەران لە عێرقدا بە دەستیان هێناوە، لە هیچ سەردەمێکدا هاوشێوەی نیە و خۆپیشاندەران سەلماندویانە عێراقییەکان دژی گەندەڵین بە پێچەوانەی ئەوەی هەندێ میدیا باسیان دەکرد".
هەمو عێراقییەکان شانازیتان پێوە دەکەن جگە لە گەندەڵ و دزەکان و ئەو سیاسیانەی سەروەت و داهاتی وڵاتەکەمانیان بە تاڵان بردوە

 

باسی لەوەشکردوە، "هەمو عێراقییەکان شانازیتان پێوە دەکەن جگە لە گەندەڵ و دزەکان و ئەو سیاسیانەی سەروەت و داهاتی وڵاتەکەمانیان بە تاڵان بردوە".
خۆپیشاندەران سەلماندویانە بۆ بەدەستهێنانی مافەکانیان و روبەڕوبونەوەی ستەمکاری ئامادەن گیانیان بەختبکەن

 

ئەو مەرجەعەی شیعەکانی عێراق نوسیویەتی، "خۆپیشاندەران سەلماندویانە بۆ بەدەستهێنانی مافەکانیان و روبەڕوبونەوەی ستەمکاری ئامادەن گیانیان بەختبکەن و هەستی نیشتیمانی تاکی عێراقی کە بەهۆی هەڵەی پارتە سیاسییەکانەوە نەمابو جارێکی دیکە زیندوبوەتەوە و ئێستا خەڵكی شانازی بە عێراقەوە دەکات".

تائی ئەوەشی خستوەتەڕو، "لەگەڵ ئەوەشدا کە ئێوە سەلماندوتانە لایەنگیری خۆشەویستیتان بۆ عێراق لە خۆشەویستی خەڵکی دیکە بۆ وڵاتەکانیان کەمتر نیە و ئێوە دژی ستەمکاری وەستاونەتەوە، لە هەمانکاتیشدا دەرفەتی زۆرتانداوە پێیان بۆ ئەوەی خۆیان چاکبکەن".


Copyright © 2016 Xendan.org all rights reserved

designed and developed by AVESTA GROUP