هەواڵی خستنەخوارەوەی فڕۆکەی F-15 لەلایەن حوسییەکانەوە رەتدەکرێتەوە

- 11/21/2019 2:56:00 PM 1465 جار خوێندراوەتەوە

خەندان-

وتەبێژی هێزەکانی هاوپەیمانی سەربە سعودیە، رەتیکردەوە حوسییەکانی یەمەن توانیبێتیان فڕۆکەیەکی F-15 بخاتە خوارەوە.

بەپێی هەواڵێکی ئاژانسی سپوتنیک، ژەنەراڵ تورکی ئەلمالیکی وتەبێژی هێزەکانی هاوپەیمانی سەربە سعودیە خستنەخوارەوەی فڕۆکەیەکی  F-15-ی سەربەهێزەکانی سعودیە لەلایەن حوسییەکانەوە رەتکردەوە و بەبێ بنەما وەسفیکرد.
ئەو هەواڵانەی کە باس لەخستنەخوارەوەی فڕۆکە پێشکەوتوەکانی سعودیە دەکەن هەوڵێکی دیکەی شکستخواردوە

وتەبێژی هێزەکانی هاوپەیمانان، وتیشی ئەو هەواڵانەی کە باس لەخستنەخوارەوەی فڕۆکە پێشکەوتوەکانی سعودیە دەکەن هەوڵێکی دیکەی شکستخواردوە وەک هەوڵەکانی دیکەی پێشوتری حوسییەکان، کە لەسەر بنچینەی بڵاوکردنەوەی درۆ بنیاتنراوە.

دوێنێ چوارشەممە حوسییەکانی یەمەن رایانگەیاند، توانیویانە  فڕۆکەیەکی  F-15-ی سەربەهێزەکانی سعودیەیان خستۆتە خوارەوە.

لەئێستادا یەمەن گرفتاری ململانێ و توندوتیژییەکانی نێوان حکومەت و ئۆپۆزسیۆنی ئەو وڵاتەیە کە بەئەنساروڵا ناسراوە.

لەساڵی 2015-ەوە، لەسەر داوای مەنسور هادی سەرۆکی حکومەت کە لەئێستادا هەڵهاتوە و لەسعودیە نیشتەجێیە،  هێرشی ئاسمانی بۆسەر حوسییەکانی یەمەن بەردەوامە.


Copyright © 2016 Xendan.org all rights reserved

designed and developed by AVESTA GROUP