بەپەلە

دوای شکستی ناتانیاهۆ و گانتز لەپێکهێنانی حکومەتدا، ئەگەری ئەنجامدانی سێیەمین هەڵبژاردنی ئیسرائیل لەئارادایە

- 11/21/2019 2:20:00 PM 395 جار خوێندراوەتەوە

خەندان -             

ئەگەر ئەنجامدانی سێهەمین هەڵبژرادنی ئیسرائیل  لەم ساڵدا سەریهەڵدایەوە، لەپاش ئەوەی بینی گانتز، سەرۆکی حزبی شین وسپی و شکستی هێنا لەپێکهێنانی حکومەتدا.

بەپێی ئاژانسی رۆیتەرز، ئەمڕۆ پێنجشەممە بینی گانتز، سەرۆکی حزبی شین و سپی و رکابەری بنیامین ناتانیاهۆ، سەرۆک وەزیرانی ئیسرائل وتی" نەمتوانی پابەند بم بەو پەیمانەی کە  دەبوایە لە نیوەیشەوی رابردودا دامەزراندنی حکومەتی بنکە فراوانی ئیسرائیل رابگەیەنم".
کۆتا هەوڵی خۆی داوە، کە بۆ پێکهێنانی حکومەتێکی فرە لایەن

گانتر ئاماژەی بەوەشکرد" کۆتا هەوڵی خۆی داوە، کە بۆ پێکهێنانی  حکومەتێکی فرە لایەن بۆ بەڕێوەبردنی دەوڵەتی ئیسرائیل لەسەر بنەمای رەوشت و دەستپاکی، حکومەتێک کە خزمەتی جولەکە و عەرەب بکات بەڵام لە هەوڵەکاندا شکستی هێناوە".

لەماوەی 21 رۆژی داهاتودا پەرلەمانی ئیسرائیل(کنیست) دەبێت کاندیدێکی نوێ بۆ پێکهێنانی حکومەتی ئیسرائیل دەستنیشان بکات، لەدوای ئەوەی هەریەک لە ناتانیاهۆ و گانتز شکستیانهێنا لە پێکهێنانی حکومەتی ئیسڕائیلدا.

ئەگەر ئەو کاندیدەش دوبارە شکستی هێنا پێویستە لەپاش سێ مانگی دیکە ئیسرائیل جارێکی دیکە هەڵبژاردن ئەنجامبداتەوە، ئەمەش نیگەرانیکەی زۆری لای حزبەکانی ئیسرائیل دروستکردوە، بەهۆی ئەوەی دەنگدەران چیتر نایانەوێت بۆ سێهەمن جار بچنەوە سەر سندوقەکانی دەنگدان.

شکستی گانتز لە پێکهێنانی حکومەتی ئیسرائیلدا، متمانەی ئیسرائیلیەکان لەلای کۆشکی سپی کەمدەکاتەوە، بەهۆی ئەوەی واشنتن پلاندنی ئاشتی رۆژهەڵاتی ناوەراستی بۆ چەند جارێک دواخستوە تا ئەوکاتەی ئیسرائیل پێکهێنانی حکومەت رادەگەیەنێت.

ئەنجامدانی هەلبژاردنێکی دیکە لەبەرژەوەندی ناتانیاهۆشدا نابێت، کە دەیەوێت بۆ جاری پێنجەم هەڵبژێردرێتەوە وەک سەرۆک وەزیرانی ئیسرائیل دەستنیشان بکرێتەوە، بەهۆی ئەوەی لەوانەیە تا ئەو کاتە ئەنجامی دادگایکردنەکەی دەربچێت و دادگا تۆمەتی ئەنجامدانی گەندەڵی ئەو بسەلمێنێت و بەپێی یاسای ئیسڕائیلیش پێویستە بەتەواوەتی دەستبەرداری پۆستی سەرۆک وەزیران بێت. 


Copyright © 2016 Xendan.org all rights reserved

designed and developed by AVESTA GROUP