ڤیدیۆ.. لەپێناو رزگاركردنی كوالا-یەك، ژنێك ژیانی خۆی دەخاتە مەترسیەوە

- 11/20/2019 10:30:00 PM 7607 جار خوێندراوەتەوە

خەندان-

لە دارستانەكانی رۆژهەڵاتی ئوسترالیا، ژنێك  بە كراسەكەی بەری كوالایەكی لەنێو ئاگر رزگاركرد، لەكاتێكدا كوالا-كە بەهۆی برین و سوتاوییەكانیەوە بە ناڵە و هاوار داوای هاوكاری دەكرد.

كوالا-یەك، لەكاتێكدا بە شەقامێكی ناوەندی دارستانەكانی رۆژهەڵاتی ئوسترالیادا تێپەڕدەبو، كەوتە ناو ئەو ئاگرەی ماوەیەكە دارستانەكانی گرتوەتەوە، لە ئاكامدا جەستەی بە ئاگر بریندار بو و سوتا، لەكاتێكدا كوالا-كەش بە هاوار و ناڵە داوای هاوكاری دەكرد، ژنێكی دانیشتوی ناوچەكە بە هانایەوە چو.

تۆنی دۆێرتی، دانیشتوی ناوچەكەیە و كاتێك هاواری كوالا-كەی گوێ لێبو دەستبەجێ و بێ گوێدان بە ژیانی خۆی چوە ناو ئاگرەكە، پاشان بە كراسەكەی بەری خۆی كوالا-كەی داپۆشی و لەناو ئاگرەكە رزگاریكرد.

وەك لە گرتە ڤیدیۆییەكەشدا دەركەوتوە، تۆنی كراسەكەی لەبەردا نیە و ئەو كوالایەی جەستەی بەهۆی ئاگرەكەوە خوێناوی بوە، لەنێو كراسەكەی تۆنیدا لە ئاگرەكە رزگاردەكرێـت، دواتریش تۆنی بوتڵێك ئاو دەكات بە جەستەی سوتاوی كوالا-كەدا.

بە گوێرەی زانیارییەكان، دواتر یەكێك لە نەوەكانی تۆنی كوالا-كەی بردوەتە ناوەندێكی پزیشكی ئاژەڵان و پكشنینی پزیشكی بۆ ئەنجامدراوە، لە ئێستاشدا دۆخی تەندروستی جێگیرە.

پاش ماوەیەكیش لەو روادوە، لە گرتە ڤیدیۆییەكدا دیمەنی ئەو كوالا-یە كە ناوی "ڵێویس"یان پێبەخشیوە بڵاوكراوەتەوە و راگەیەندراوە "ئەو كوالایە تەمەنی 14 ساڵە و دۆخی تەندروستی جێگیرە، هەرچەندە بەهۆی ئاگرەكەوە برینی سەختی هەیە و دەرمانی پێویست وەردەگرێت.

 

 



Copyright © 2016 Xendan.org all rights reserved

designed and developed by AVESTA GROUP