دو بۆمب لەقەرەتەپە تەقیەوە

- 11/19/2019 9:08:00 PM 2480 جار خوێندراوەتەوە

خەندان - نیگار عومەر 

ئەمشەو لەناحیەی قەرەتەپە لەکاتی دەرچونی کۆمەڵێک گەنج لەقاوەخانەیەک دو بۆمب تەقیەوە، بەڵام زیانی گیانی نەبو.

محەمەد عومەر، بەرپرسی کۆمیتەی یەکێتی لەقەرەتەپە، بەخەندان- ی ڕاگەیاند، "لەناحیەی قەرەتەپە لەکاتی دەرچونی کۆمەڵێک گەنج لەیەکێک لەقاوەخانەکانی پشت نەخۆشخانەی  ناحیەکە دو بۆمب تەقیەوەتەوە، بەڵام هیچ زیانێکی گیانی نەبوە"

ئەوەشی ڕونکردەوە،  "ئەم دو بۆمبە کەتەقیوەتەوە نزیکەی 300م لەبەڕێوەبەرایەتی پۆلیسی ناحیەی قەرەتەپەوە دورە، ئەمەش جێگەی پرسیارە ئەو بۆشاییە ئەمنیەی کە لە شارەکەدا هەیە وایکردوە ئەم ڕوداوانە ڕوبدات"

هاوکات لەچەند ڕۆژی ڕابردودا دوگەنجی گوندی نارێنی سەر بەناحیەی قەرەتەپە لەلایەن داعشەوە رفێنراون، بەگوێرەی زانیارەکانی خەندان داوای 20 دەفتەر دۆلار  دەکەن بۆ گەڕاندنەوەی یەکێک لەگەنجەکان، بەڵام  ئەوەی تریان تاوەکو ئێستا بێسەرو شوێنە.


Copyright © 2016 Xendan.org all rights reserved

designed and developed by AVESTA GROUP