وێنە و ڤیدیۆ..پایتۆنێك هەوڵدەدات پڵنگێك بكاتە یەك پارو، بەڵام زو پەشیمان دەبێتەوە

- 11/19/2019 7:42:00 PM 127504 جار خوێندراوەتەوە

خەندان-

لە دارستانێكی كینیا، فۆتۆگرافەرێكی ژینگەی كێوی دیمەنی روبەڕوبونەوەی دو ئاژەڵی دڕندەی تۆماركردوە، كە سەرەتا بە هێرشی مارێكی پایتۆن دەستپێدەكات.

مایك وێڵتن، فۆتۆگرافەری بواری ژینگە كێویەكان دیمەنی ساتی روبەڕوبونەوە و بەجەنگهاتنی مارێكی گەورەی پایتۆن و پڵنگێك-ی تۆماركردوە، تێیدا بە هێرشی پایتۆنەكە جەنگ دەستپێدەكات و بە پەشیمانبونەوەی هەمان ئاژەڵ كۆتاییدێت كاتێك زەبرێكی زۆر توندی بەردەكەوێت.

وەك لە گرتە ڤیدیۆییەكەدا دەردەكەوێت، لە سەرەتادا هەریەك لەو دو ئاژەڵە چاویان لەسەر ئاسكێكە، بەڵام دواتر مارە پایتۆنەكە  هێرشدەكاتە سەر پڵنگەكە و هەوڵدەدات بیكاتە یەك پارو، لەوكاتەدا پڵنگەكە بەرگری لەخۆی دەكات و روبەڕوی دەبێـتەوە.

لەكاتێكدا مارە گەورەكە خۆی لە پڵنگەكە ئاڵاند  و هەوڵیدا قوتیبدات،  بەڵام پڵنگەكە دەسبەجێ خۆی دەربازكرد و وەڵامی هێرشەكەی دایەوە، هەڵگەڕایەوە و بە ددان سەری مارە پایتۆنەكەی گەست.

مایك دەڵێت "لەوكاتەدا دەنگێكی هاوشێوەی شكانی ئێسك-م بیست، پێدەچو پڵنگەكە ئێسكی سەری مارە پایتۆنەكەی گەستبێت".



Copyright © 2016 Xendan.org all rights reserved

designed and developed by AVESTA GROUP