هەواڵی ئەمڕۆ

باڵیۆزی چین لەبریتانیا: خۆپیشاندەرانی هۆنکۆنگ دەیانەوێت بنەمای دو سیستمیی تێکبشکێنن

- 11/18/2019 3:17:00 PM 623 جار خوێندراوەتەوە

خەندان-

باڵیۆز چین بۆ بریتانیا رایگەیاند، خۆپیشاندەرانی هۆنکۆنگ دەیانەوێت بنەمای دو سیستمیی لەوڵاتی چین تێکبشکێنن.

لیۆ خۆمینگ باڵیۆزی چین لەبریتانیا لەبارەی خۆپیشاندانەکانی هۆنکۆنگ و هۆکارەکانی بەردەوامبونی بەو ناڕەزایەتییانە کە زیاتر لەساڵێکە بەرۆکی ئەو وڵاتەی گرتوە، رایگەیاند، خۆپیشاندەرانی هۆنکۆنگ دەیانەوێت بنەمای دو سیستمیی لەوڵاتی چین تێکبشکێنن.
لەئێستادا هۆنکۆنگ روبەروی دۆخێکی مەترسیدار دەبێتەوە

لیۆ راشیگەیاند، لەئێستادا هۆنکۆنگ روبەروی دۆخێکی مەترسیدار دەبێتەوە بەهۆی ئەو توندوتیژییە نایاسایی و نائاساییانەی لەماوەی چەند رۆژی رابردودا رویانداوە.

لەبارەی داواکاری خۆپیشاندەرانیشەوە، نوێنەری چین لەبریتانیا ئاماژەی بەوەکرد خۆپیشاندەران دەیانەوێت بنەمای دو سیستمی لەچین تێکبشکێنن کە سیستمی هۆنکۆنگ و ماکاوە.

وتیشی بنەمای دو سیستمی لەچیندا بەپێی دەستور چەسپێنراوە بۆ دو ناوچەی ئۆتۆنۆمی هۆنکۆنگ و ماکاو کە رێگەیان پێدەدات خاوەنی حکومەتی خۆجێی و سەربەخۆیی خۆیان بن لەڕوی یاسایی و ئابوری و داراییەوە.
خۆپیشاندانەکانی ئێستای چین هیچ پەیوەندییەکی بەپرسی ئازادی و دیموکراسییەوە نیە

بەگوێرەی وتەکانی ئەو دپلۆماتکارەی چین، خۆپیشاندانەکانی ئێستای چین هیچ پەیوەندییەکی بەپرسی ئازادی و دیموکراسییەوە نیە. 

لەبارەی دەستێوەردانە دەرەکییەکانیشەوە، نوێنەری چین لەبریتانیا هەریەک لەئەنجومەنی نوێنەرانی بریتانیا و ئەمریکای بەهەوڵدان بۆ دەستێوەردان تۆمەتبارکرد و رایگەیاند، لێدوانی ناپێویست لەوبارەیەوە دەدەن."


Copyright © 2016 Xendan.org all rights reserved

designed and developed by AVESTA GROUP