"لە شارەکەدا دەسەڵاتێک نیە لە پێشلکارییەکان بپرسێتەوە"
عەفرین؛ هەواڵگری تورکیا و گروپەچەکدارەکان 13 هاوڵاتیان دەستگیرکرد

- 11/18/2019 12:00:00 PM 1996 جار خوێندراوەتەوە

خەندان-

روانگەی سوری بۆ مافەکانی مرۆڤ رایگەیاند، هێزەکانی هەواڵگری تورکیا بە پاڵپشتی هێزەکانی ئۆپۆزسیۆن لە عەفرین 13 هاوڵاتی کوردییان دەستگیرکردوە، ئامانجیش لەو کارە فشارکردنە لە هاوڵاتیانی کورد بەمەبەستی گۆڕینی دیمۆگرافی.
شەوی رابردو لە ناوشاری عەفرین حەوت هاوڵاتی لەلایەن گروپەکانی نزیک لە تورکیا دەستگیرکراون، لە دەوروبەری عەفرینیش شەش هاوڵاتی دەستگیرکراون

 

روانگەی سوری بۆ مافەکانی مرۆڤ بڵاویکردەوە، شەوی رابردو لە ناوشاری عەفرین حەوت هاوڵاتی لەلایەن گروپەکانی نزیک لە تورکیا دەستگیرکراون، لە دەوروبەری عەفرینیش شەش هاوڵاتی دەستگیرکراون و چارەنوسیان نادیارە، ئەوەش لە چوار چێوەی "فشارخستنە سەر کوردە بۆ ئەوەی ناچاریان بکەن شوێنەکانیان جێبهێڵن لە رێگەی هەڕەشەکردن و فشارکردنی بەردەوام بەبێ بونی دەسەڵاتێکی ئەوتۆ لە شارەکەدا کە لێپرسینەوە لە پێشێلکارییەکان".
سەرەتای ئەم مانگەش گروپی سوڵتان موراد کە راستەوخۆ تورکیا پشتیوانیان دەکات لە رێگەی بنڵدگۆی مزگەوتەکانەوە هەڕەشەیان لە خەڵکی گوندی عەرەب ئۆشاغی لە دەوروبەری عەفرین کردوە

 

ئاماژەی بەوەشکردوە، سەرەتای ئەم مانگەش گروپی سوڵتان موراد کە راستەوخۆ تورکیا پشتیوانیان دەکات لە رێگەی بنڵدگۆی مزگەوتەکانەوە هەڕەشەیان لە خەڵکی گوندی عەرەب ئۆشاغی لە دەوروبەری عەفرین کردوە، کە ماڵەکانیان چۆڵ بکەن چونکە ئەوان دەیکەن بە بارەگای هێزەکانیان.

هاوکات رۆژی یەکی ئەم مانگە هێزەکانی پۆلیسی سەربازی تورکیا لە عەفرین ژمارەیەک خەڵکیان لە گوندی شڕان لە عەفرین دەستگیرکردوە و تۆمەتی بەشداربونیان لە تەقینەوەکانی ماوەی رابردوی شارەکە داونەتە پاڵ.


Copyright © 2016 Xendan.org all rights reserved

designed and developed by AVESTA GROUP