هەواڵی ئەمڕۆ

بەپەلە

تورکیا: ئەنجامدەری تەقینەوەکەی ئەلبابی سوریامان دەستگیرکردوە

- 11/17/2019 5:16:00 PM 3710 جار خوێندراوەتەوە

خەندان-

کەمێک بەرلەئێستا دەزگای هەواڵگری نیشتیمانی تورکیا بڵاویکردەوە، ئەنجامدەری تەقینەوەکەی ئەلبابی سوریایان دەستگیرکردوە کە تێیدا 18 هاوڵاتی بونە قوربانی.

بەگوێرەی راگەیەنراوێکی دەزگای هەواڵگری تورکیا، تەقینەوەکە لەلایەن یەکینەکانی پاراستنی گەل ئەنجامدراوە و ئەوان توانیویانە ئەنجامدەری ئەو تەقینەوەیە دەستگیربکەن.

تائێستا یەکینەکانی پاراستنی گەل ( یەپەگە) لەو بارەیەوە هیچ راگەیەنراوێکی بڵاونەکردۆتەوە، بەڵام لەرابردودا بەپرسانی یەپەگە جەختیان لەسەر ئەوە کردۆتەوە حکومەتی تورکیا بە سیناریۆی جۆراوجۆر هەوڵی لەکەدارکردنی ناو ناوبانگی هێزە کوردییەکان دەدت.

دوێنێ شەممە لەشاری ئەلبابی سوریا کە لەلایەن تورکیاوە کۆنترۆڵکراوە، ئۆتۆمبێلێک تەقییەوە بەهۆیەوە لانیکەم 18 کەس بونە قوربانی، راستەوخۆ سوپای تورکیا و وەزارەتی بەرگری ئەو وڵاتە هێزە کوردییەکانی سوریای بەئەنجامدانی ئەو تەقینەوەیە تۆمەتبارکرد.


Copyright © 2016 Xendan.org all rights reserved

designed and developed by AVESTA GROUP