بەپەلە

خۆپیشاندان لە تارانی پایتەختی ئێران دەستیپێکردەوە

- 11/17/2019 12:28:00 PM 8137 جار خوێندراوەتەوە

خەندان-

خۆپیشاندان لە تارانی پایتەختی ئێران دەستیپێکردەوە و کاسبکارانی بازاڕەکان مانگرتنیان لە کارەکانیان راگەیاند.
خوێندکارانی زانکۆی سنندج لە پارێزگاکانی رۆژهەڵاتی کوردستان بەشداری خۆپیشاندانەکانیان کردوە

 

بەپێی ئاژانسی ئەلعەرەبیە، ئەمڕۆ خۆپیشاندان لە تارانی پایتەختی دەستیپێکردوەتەوە و کاسبکاران لە بازاڕەکاندا مانگرتنیان راگەیاندوە، هاوکات خوێندکارانی زانکۆی "سنندج" لە پارێزگاکانی رۆژهەڵاتی کوردستان بەشداری خۆپیشاندانەکانیان کردوە.
خۆپیشاندانەکانی ئێران بەهۆی بڕیاری حکومەتی وڵاتەکەوەیە بۆ بەرزکردنەوەی نرخی بەنزین بۆ دو بەرامبەر

 

خۆپیشاندانەکانی ئێران بەهۆی بڕیاری حکومەتی وڵاتەکەوەیە بۆ بەرزکردنەوەی نرخی بەنزین بۆ دو بەرامبەر (هەزار و 500 تمەن بۆ سێ هەزار 500 تمەن).
لەماوەی دو رۆژی رابردودا زیاتر لە 40 خۆپیشاندەر دەستگیرکراون

 

هاوکات داواکاری گشتی لە شاری یەزد رایگەیاندوە، لەماوەی دو رۆژی رابردودا زیاتر لە 40 خۆپیشاندەر دەستگیرکراون، کە رەگەزنامەی بیانیان هەیە و لە دەرەوەی شارەکەوە بۆ بەشداریکردن لە خۆپیشاندان چونەتە شارەکەوە.
پێویستە بەردەوام بین لە جێبەجێکردنی بڕیاری بەرزکردنەوەی نرخی بەنزین

 

بەیانی ئەمڕۆ یەکشەممە، وتەبێژی سەرۆکایەتی پەرلەمان رایگەیاند، لەسەر بنەمای لێدوانەکەی عەلی خامنەیی، رێبەری باڵای کۆماری ئیسلامی ئێران، "پێویستە بەردەوام بین لە جێبەجێکردنی بڕیاری بەرزکردنەوەی نرخی بەنزین".

رابەری باڵای کۆماری ئیسلامی ئێران رایگەیاندبو، پێویستە پلانی بەرزکردنەوەی نرخی بەنزین وەکو خۆی جێبەجێبکرێت، بەرپرسیاریەتی "هەمو کارێکی تێکدەرانە"شی خستە ئەستۆی "نەیارانی شۆڕش و دوژمانان"ه ئێران.


Copyright © 2016 Xendan.org all rights reserved

designed and developed by AVESTA GROUP