بەپەلە

روانگەی سوری: پێکدادانی زەمینی و بۆمبارانکردنی ناوچەکانی ئیدلیب بەردەوامە

- 11/16/2019 10:08:00 PM 3290 جار خوێندراوەتەوە

خەندان-

روانگەی سوری بۆ مافەکانی مرۆڤ بڵاویکردەوە، ئەمرۆ شەممە پێکدادانی زەمینی لە نێوان هیزەکانی رژێمی سوریا و چەکدارانی ئۆپۆزسیۆن لە ئیدلیب و چەند ناوچەیەکی کۆبانێ بەردەوامی هەبوە، هاوکات ئاماژە بە بۆمبارانکردنی ئەو ناوچانەش دەکات.

بەگوێرەی راپۆرتەکەی روانگەی سوری، بەهۆی بوردومانەکانەوە زیانی مادی  زۆر بەر ئەوناوچانە کەوتوە، لە ئەنجامی بۆردومانی فرۆکەکانی روسیای هاوپەیمانی سوریا بۆ سەر چەکدارانی ئۆپۆزسیۆن،  نەخۆشخانەی شام لە نزیک  شاری کافرانبێل زیانی زۆری بەرکەوتوە.

ئاماژەبەوەشدراوە، فرۆکەکانی روسیا 32 گولە هاوەنیان  ئاراستەی ناوچەکانی مەعرەزیتا و عەرینبا و گوندەکانی نزیک ئیدلیب کردوە.

هێزەکانی ئۆپۆزیۆنی سوریا و چەکدارە هاوپەیمانەکانی لە وەلامی بۆردومانەکنادا، ژمارەیەک موشەکی زەمینیان هەڵداوە بۆ  ئەو ناوچانەی بنکە سەربازیەکانی هێزی رژێمی سوریایان تیادا جێگیرکراوە.


Copyright © 2016 Xendan.org all rights reserved

designed and developed by AVESTA GROUP