لە خۆپیشاندانەکانی بەغدا دوکەس کوژران و دەیان کەسیش برینداربون

- 11/15/2019 5:27:00 PM 2016 جار خوێندراوەتەوە

خەندان- 

دوای پەلاماری ھێزە ئەمنیەکان بۆسەر خۆپێشاندەران لە گۆڕەپانی ئەلخەلانی لە ناوەڕاستی بەغداد، دو کەس کوژران و بەدەیانیش برینداربون.

لە شاری بەغدا-ی پایتەختی عێراق، ئەمڕۆ هەینی خۆپیشاندەران سەرلەنوێ رژانەوە سەر شەقامەكان و لە ئاكامی پێكدادانیان لەگەڵ هێزە ئەمنیەكاندا دو كەس كوژران و دەیانی دیكەش بریندارن.

خۆپیشاندەران ئەمڕۆیان ناوناوە "هەینی خۆڕاگری"، لە هەینی خۆڕاگریشدا بەهۆی بەكارهێنانی گازی فرمێسكڕێژ وتەقەكردن لەلایەن هێزە ئەمنیەكانەوە، دو خۆپیشاندەر كوژران و دەیانی دیكەش برینداربون، هاوكات توڕەیی خۆپیشاندانەكان گەیتشوەتە رادەیەك هەندێكیان هەوڵیانداوە دیوارە كۆنكرێتیەكانی مەیدانی خەلانی تێكبشكێێنن.

سەرچاوە عێراقیەكانیش رایانگەیاندوە "لەنێو بریندارەكاندا حاڵەتی تەنگەنەفەسی هەیە و ژمارەی خۆپیشاندەرانیش پەیتا پەیتا روی لە زیادبونە".


Copyright © 2016 Xendan.org all rights reserved

designed and developed by AVESTA GROUP