هەواڵی ئەمڕۆ

پەرلەمانتارێکی مەهەپە بۆ پەرلەمانتارانی هەدەپە: وەک ڕەوە سەگ وان

- 11/15/2019 4:57:00 PM 12953 جار خوێندراوەتەوە

خەندان-

مەتەین نوڕوڵا سازاک، پەرلەمانتاری تورکیا لە پارتی نەژاد پەرستی تورکیا هێرشی ناڕەوا و ناپەسەند دەکاتە سەر پەرلەمانتارانی هەدەپە و بە "ڕەوە سەگ ناویان دەبات".

ئەو ئەوتانەی سازاک لەمیانی کۆبونەوەی لیژنەی مافەکانی مرۆڤی پەرلەمانی تورکیادا بو، هاوکات پەرلەمانتارانی هەدەپە بە تێرۆرستیش ناوبرد، لەکاردانەوەی ئەوەشدا پەرلەمناتارانی هەدەپە هۆڵی کۆبونەوەکە بەجێدەهێڵن و لە نامەیەکدا داوا دەستلەکارکێشانەوەی دەکەن لە ئەندامێتی پەرلەمان.

دوای ئەوەی پەرلەماتارانی هەدپە ئەندام لە لیژنەی مافەکانی مرۆڤی پەرلەمانی تورکیا داوای ئازادکردنی ئەندامە دەستبەسەرکراوەکانیان کردوە، سازاک پێی وتون" وەک تێرۆرست و ڕەوە سەگ وان"، ئەوەش پەرلەمانتارانی هەدەپەی توڕە کردوە.

دوای کۆبونەوەکە، پەرلەمانتارانی هەدەپە داوان لە سازاک کردوە لەبەرامبەر ئەو وتە نەشیاوانەیدا داوای لێبوردن بکات، بەڵام ناوبراو رەتیکردوەتەوە داوای لێبوردن بکات.

ئەمڕۆ هەینی،"لە پارێزگای مێردین لە باكوری كوردستان هەریەک لە گوڵستان ئۆنجو، هاوسەرۆکی شارەوانی ستەور، موڵکیە ئەسمەز هاوسەرۆکی شارەوانی دێرک، نالان ئۆزئایدن هاوسەرۆکی شارەوانی شەمرەخ-ی هەدەپە دەستگیرکران. هاوكات لەگەڵیاندا (موسلیم ئوزباهچەجی و هەدیە گونەش و بورهان تەمەل و فەیزوڵا ئەرۆل) کارمەندانی شارەوانی دێرک لەگەڵ هاوسەرۆکی شارەوانییەکان دەستگیرکران.


Copyright © 2016 Xendan.org all rights reserved

designed and developed by AVESTA GROUP