وەزیری تەندروستی: 47 بەركەوتەی چەكی كیمیاویی دەنێرینە دەرەوەی وڵات

- 11/14/2019 11:31:00 PM 1459 جار خوێندراوەتەوە

خەندان-

وەزیری تەندروستی هەرێم رایگەیاند،"کێشەکانی نەخۆشخانەی بەرکەوتانی کیمیاویی لە هەڵەبجە چارەسەر دەکرێت و 47 بەرکەوتەی کیمیاویی ڕەوانەی دەرەوەی وڵات دەکرێن.

د.سامان بەرزنجی، وەزیری تەندروستی حكومەتی هەرێم رایگەیاند،"کێشەکانی نەخۆشخانەی بەرکەوتانی کیمیاویی لە پارێزگای هەڵەبجەی شەهید چارەسەر دەکرێت و 47 بەرکەوتەی کیمیاویی ڕەوانەی دەرەوەی وڵات دەکرێن".

بڕیاری ڕێوشوێنی پێویست درا بۆ چارەسەرکردنی کێشەکانی پڕۆژەی نەخۆشانەی بەرکەوتوان لە هەڵەبجەی شەهید

 

د.سامان بەرزنجی لە هەژماری تایبەتی خۆی لە تۆڕی كۆمەڵایەتی فەیسبوك رایگەیاند،"پێشوازیمان کرد لە (ئازاد توفیق) پارێزگاری هەڵەبجە و شاندی یاوەری، لە کۆبونەوەیەکدا چەندین داواکاری و کێشە و گرفت خرانە بەرباس و گفتوگۆ".

وەزیری تەندروستی دەڵێت،"بە ڕەزامەندی سەرۆکوەزیران، کاروانێکی 47 كەسی لە نەخۆشانی بەرکەوتەی کیمیاویی بەمەبەستی چارەسەر ڕەوانەی دەرەوەی وڵات دەکرێن، هەروەها بڕیاری ڕێوشوێنی پێویست درا بۆ چارەسەرکردنی کێشەکانی پڕۆژەی نەخۆشانەی بەرکەوتوان لە هەڵەبجەی شەهید".

 



Copyright © 2016 Xendan.org all rights reserved

designed and developed by AVESTA GROUP