رێواز فایەق بۆ سلێمانی: بۆ هەمیشە لە لوتکەدا بە جوانی بمێنەرەوە

- 11/14/2019 10:18:00 PM 2094 جار خوێندراوەتەوە

خەندان-

سەرۆكی پەرلەمانی كوردستان لە یادی دامەزراندنی سلێمانیدا لە پەیامێكدا رایگەیاند،"سلێمانی شاری زیندوی سیاسەت و ئەدەب و ژیاندۆستی بۆ هەمیشە لە لوتکەدا بە جوانی بمێنەرەوە".

رێواز فایەق، سەرۆكی پەرلەمانی كوردستان لە هەژماری تایبەتی خۆی لە تۆڕی كۆمەڵایەتی فەیسبوك رایگەیاند،"‏‎ساڵیادی دامەزراندنی شاری سلێمانی، شاری هەڵمەت و قوربانی و پایتەختی رۆشنبیری لە کوردستانیان و هەمو خەڵکی شارە حەیاتەکە پیرۆز بێت"

وتیشی،"مایەی خۆشحاڵییە یادکردنەوەی (235) ساڵەی دامەزراندنی سلێمانی لەکاتێکدایە، کە بەفەرمی لەلایەن رێکخراوی یونسکۆوە بە شاری داهێنەر لە بواری ئەدەب بە جیهان ناسێنرا.."

سەرۆكی پەرلەمان نوسیویەتی،"شاری زیندوی سیاسەت و ئەدەب و ژیاندۆستی بۆ هەمیشە لە لوتکەدا بە جوانی بمێنەرەوە.


Copyright © 2016 Xendan.org all rights reserved

designed and developed by AVESTA GROUP