روسیا بنکەیەکی سەربازی نوێ لە رۆژئاڤای کوردستان دروستدەکات

- 11/14/2019 1:21:00 PM 2109 جار خوێندراوەتەوە

خەندان-         

وەزارەتی بەرگری روسیا رایگەیاند، مۆسکۆ دەستیکردوە بە دروستکردنی بنکەیەکی سەربازی لەشاری قامیشلۆ لە رۆژئاڤای کوردستان، کە دامەزراوەی موشەک هاوێژی زەمینی و ئاسمانی تیادا دادەمەزرێنێت.
مۆسکۆ بنکەیەکی سەربازی نوێی لە شاری قامیشلۆ دروستکردوە، کە تایبەتە بە هەلیکۆپتەرە جەنگییەکانی وڵاتەکە
وەزارەتی بەرگری روسیا ئەمڕۆ پێنجشەممە لە راگەیەندراوێکدا رایگەیاند، مۆسکۆ بنکەیەکی سەربازی نوێی لە شاری قامیشلۆ دروستکردوە، کە تایبەتە بە هەلیکۆپتەرە جەنگییەکانی وڵاتەکە.

ئاماژەی بەوەشکردوە، لەو بنکانەدا دامەزراوەی موشەک هاوێژی زەمینی و ئاسمانی تیادا دادەمەزرێنێت، لەئێستاشدا سێ هەلیکۆپتەر لەدەوروبەری بنکەکە بڵاوەیانپێکراوە.
لەو بنکەیەدا چەندین سیستمی دیکەی دژە موشەکی بۆ بەرپەرچدانەوەی هەر هێرشێک دروستدەکرێت

 

وەزارەتی بەرگری روسیا باسی لەوەشکردوە، لەو بنکەیەدا چەندین سیستمی دیکەی دژە موشەکی بۆ بەرپەرچدانەوەی هەر هێرشێک دروستدەکرێت.
روسیا دەتوانێت بنکەی سەربازی بۆ هێزەکانی روسیا لە سوریا دروست بکرێت، هەرکاتێک روسیا بیەوێت

 

روسیا لە ساڵی 2015 رێککەوتننامەیەکی لەگەڵ سوریادا واژۆکرد، بەپێی ئەو رێککەوتننامەیە روسیا دەتوانێت بنکەی سەربازی بۆ هێزەکانی روسیا لە سوریا دروست بکرێت، هەرکاتێک روسیا بیەوێت.

بەپێی راپۆرتەکانی حکومەتی روسیا و سوریا، بۆ ماوەی پێنج ساڵە هێزەکانی روسیا لەسەر خاکی سوریا ماونەتەوە و بەشداریانکردوە لە کۆنتڕۆڵکردنەوەی زۆرینەی خاکی سوریا لە دەست چەکدارانی ئۆپۆزسیۆن و چەکدارانی داعش.


Copyright © 2016 Xendan.org all rights reserved

designed and developed by AVESTA GROUP