بەپەلە

دو خۆپیشاندەر لە بەغدا کوژران

- 11/14/2019 11:47:00 AM 2268 جار خوێندراوەتەوە

خەندان-

تۆڕی هەواڵی سکای نیوز لەزاری سەرچاوە پزیشکییەکانی بەغدا بڵاویکردەوە، لە خۆپیشاندانەکانی ئەمڕۆدا دو خۆپیشاندەر بەگوللەی پلاستیک کوژران.

سەرچاوەیەکی پزیشکی بە سکای نیوز عەرەبی راگەیاندوە، لە کاتی بڵاوپێکردنی خۆپیشاندەراندا و بە  بەکارهێنانی گولەی پلاستیکی و گازی فرمێسک رێژ لە ناوەڕاستی بەغداد دو خۆپیشاندەر کوژراون و 35ی دیکەش برینداربون.

هاوکات میدیا عێراقییەکان باسیان لەوەکردوە، لە پارێزگای زیقار هەڵمەتێکی فراوانی دەستگیرکردنی دەستیپێکردوە و ژمارەی قوربانیانی توندوتیژییەکانی رۆژی یەکشەممەی ئەو شارەش بۆ چوار کوژراو و 130 بریندار بەرزبوەتەوە.

لای خۆیەوە کۆمسیۆنی مافەکانی مرۆڤی عێراق رایگەیاند، لە ناسریە خوێندکاران و مامۆستایان خۆپیشاندانیان کردوە و هێزە ئەمنییەکانیش 34 خۆپیشاندەریان دەستگیرکردوە، ئەوەش جێگەی نیگەرانی کۆمسیۆنەکەیانە.

کۆمسیۆنی مافەکانی مرۆڤ ئاماژەی بەوەشکردوە، داوا لە خۆپیشاندەران دەکەن هەماهەنگی لەگەڵ هێزە ئەمنییەکاندا بکەن و خۆیان لە هەمو رەفتارێکی توندوتیژ و روبەربونەوە بپارێزن و پارێزگاری لە خۆپیشاندانی ئاشتیانە بکەن.


Copyright © 2016 Xendan.org all rights reserved

designed and developed by AVESTA GROUP