دۆناڵد ترەمپ: تورکیا هاوپەیمانێکی گەورەی ئەمریکایە

- 11/14/2019 11:30:00 AM 2608 جار خوێندراوەتەوە

خەندان-

سەرۆکی ویلایەتە یەکگرتوەکانی ئەمریکا رایگەیاند، تورکیا هاوپەیمانێکی گەورەی ناتۆیە و هەروەها هاوپەیمانێکی ستراتیژی گەورەی ئەمریکایە لە سەرانسەری جیهاندا.
پەیوەندی دیپـلۆماسی ڕاستەوخۆی نێوان هەردو وڵات گرنگە بۆ مسۆگەرکردنی پاشە رۆژێکی پـڕ لە ئاشتی و پـڕشندار

 

دۆناڵد ترەمپ، سەرۆکی ویلایەتە یەکگرتوەکانی ئەمریکا دوای لە کۆنگرەیەکی رۆژنامەوانیدا دوای تەواوبونی کۆبونەوەکەی لەگەڵ رەجەب تەیب ئەردۆگان، سەرۆک کۆماری تورکیا رایگەیاند، "پەیوەندی ئابوری نێوان واشنتن و ئەنقەرە بە بەردەوامی پەرەدەسێنێت، هەروەها پەیوەندی دیپـلۆماسی ڕاستەوخۆی نێوان هەردو وڵات گرنگە بۆ مسۆگەرکردنی پاشە رۆژێکی پـڕ لە ئاشتی و پـڕشندار".
لەکۆبونەوەی لەگەڵ ئەردۆگان تاوتوێی زۆر بابەتیان کردوە، لەوانە بارودۆخی سوریا

 

ئاماژەی بەوەشکرد، لەکۆبونەوەی لەگەڵ ئەردۆگان تاوتوێی زۆر بابەتیان کردوە، لەوانە بارودۆخی سوریا، وتوێژەکانیان بۆ کۆتایی هێنان بە شەڕ لە باکوری سوریا ئەنجامی باشی هەبوە لە نێو ئەو دۆخە ئاڵۆزەی کە بۆ سەدان ساڵ بەردەوامبوە.

ترەمپ باسی لە ئاگربەستەکەی باکوری سوریا کرد و وتی، "بابەتێکی ئاڵۆزە، بەڵام لەگەڵ ئەوەشدا بە خێرایی زیاتر جێگیردەبێت".
لەکاتی کۆبونەوەی ترەمپ و ئەردۆگان، سوپای تورکیا هێرشی کردوەتە سەر شاری تەلتەمر کە زۆرینەی دانیشتوانەکەی مەسیحین

 

پێشتر جەنەڕاڵ مەزڵوم کۆبانێ، فەرماندەی هێزەکانی سوریای دیموکرات (هەسەدە) لە تویتێکدا لە هەژماری تایبەتی خۆی لە تۆڕی کۆمەڵایەتی تویتەر رایگەیاندبو، "لەکاتی کۆبونەوەی دۆناڵد ترەمپ، سەرۆکی ئەمریکا و رەجەب تەیب ئەردۆگان، سەرۆک کۆماری تورکیا، سوپای تورکیا هێرشی کردوەتە سەر شاری تەلتەمر کە زۆرینەی دانیشتوانەکەی مەسیحین، بەهۆیەوە دانیشتوانی ئەو شارە بە کۆمەڵ ئاوارەبون".

ئاماژەی بەوەشکردوە، ئەو کارەی تورکیا بەرونی شکاندنی ئاگربەست نیشاندەدات لەلایەن سوپای تورکیاوە، بەجۆرێک لەدوای بڕیاری ئاگربەستەوە هەزار و 100 کیلۆمەترە دوجای داگیرکردوە.


Copyright © 2016 Xendan.org all rights reserved

designed and developed by AVESTA GROUP