"ئەمریکا چیتر هێزێک نیە نەتوانرێت ببەزێندرێت"
رۆحانی: چەند وڵاتێک هەوڵی دروستکردنی گێرەشێوێنی لە عێراق و لوبنان دەدەن

- 11/14/2019 10:59:00 AM 1377 جار خوێندراوەتەوە

خەندان-   

سەرۆک کۆماری ئێران، ویلایەتە یەکگرتوەکانی ئەمریکا بەوە تۆمەتبار دەکات کە ئاڕاستەی خۆپیشاندانەکانی لوبنانی بەرە و قەیرانی جەنگی ناوخۆ بردوە، دەشڵێت، "چەند وڵاتێک هەوڵی دروستکردنی گێرەشێوێنی لە عێراق و لوبنان دەدەن".     
هەندێک وڵات دەیانەوێت خۆپیشاندانەکانی عێراق بەئاڕاستەی جەنگی ناوخۆ ببەن

 

حەسەن رۆحانی، سەرۆک کۆماری ئێران رایگەیاند، ویلایەتە یەکگرتوەکانی ئەمریکا بەوە تۆمەتبار دەکات کە ئاڕاستەی خۆپیشاندانەکانی لوبنانی بەرە و قەیرانی جەنگی ناوخۆ بردوە، هاوکات هەندێک وڵات دەیانەوێت خۆپیشاندانەکانی عێراق بەئاڕاستەی جەنگی ناوخۆ ببەن.
ئەمریکا چیتر هێزێک نیە نەتوانرێت ببەزێندرێت، لەئێستادا بەهیچ شێوەیەک بەهێزترنیە بە بەراورد  بەساڵانی رابردو

 

ئاماژەی بەوەشکرد، "ئەمریکا چیتر هێزێک نیە نەتوانرێت ببەزێندرێت، لەئێستادا بەهیچ شێوەیەک بەهێزترنیە بە بەراورد بەساڵانی رابردو".
کۆمەڵێک هەوڵی بەردەوام هەیە دەیانەوێت خۆپیشاندانە مەدەنیەکانی عێراق و لوبنان بشێوێنێت

 

سەرۆک کۆماری ئێران وتیشی، وڵاتەکەی پێیوایە کۆمەڵێک هەوڵی بەردەوام هەیە دەیانەوێت "خۆپیشاندانە مەدەنیەکانی عێراق و لوبنان بشێوێنێت"، بە دەستێکی دەرەکی دژ بە حکومەتی بەغدا و بەیروت.

حەوتی ئەم مانگە، محەمەد باقری، فەرماندەی ئەرکانی سوپای ئێران خۆپیشاندەرانی لوبنان و عێراقی تۆمەتبارکرد بەوەی کە "پارە وەردەگرن بۆ بەردەوامیدان بە خۆپیشاندانەکانیان".

باسی لەوەشکرد، هەندێک لایەن پارە لەسەر شەقامەکانی بەغداو بەیروت دابەش دەکەن، بۆ هێشتنەوەی خۆپیشاندەران لەشەقامەکانی ئەو دو وڵاتە.


Copyright © 2016 Xendan.org all rights reserved

designed and developed by AVESTA GROUP