بەپەلە

بەهۆی پیسبونی هەواوە ژمارەیەك خوێندنگەی تاران دەوامیان داخست

- 11/13/2019 5:19:00 PM 645 جار خوێندراوەتەوە

خەندان -           

ئەمڕۆ بەرپرسانی تاران فەرمانی داخستنی خوێندنگاکانی شارەکەیان راگەیاند، بەهۆی بەرزی رێژەی پیسبونی هەوای شارەکەیان بە رێژەیەکی نائاسایی.

ئەمڕۆ چوارشەممە، ئەنۆ سێرەڤان موحسنی، پارێزگاری تاران رایگەیاند، سەرجەم رەوزە و قوتابخانەی سەرەتایی و خوێندنگە ناوەندیەکان لە کەرتی غاراش و پیشڤا و فارامین لەتاران دەوامی فەرمی راگیراوە.
شارەوانی تاران هۆشداریدا بە منداڵان و ژنانی دوگیان و بەساڵاچوان و ئەو کەسانەی کێشەی هەناسەدانیان هەیە

 

وتیشی، رێژەی میکرۆبی مەترسیدار لەهەوای شارەکەدا گەیشتوەتە 133 مایکرۆگرام لەهەر مەترە سێجایەکدا لە هەوای شارەکە، لەکاتێکدا بەرزترین  رێژەی میکرۆب لە هەوا کە ژیان گونجاو بێت تێیدا 25 مایکرۆگرامە بۆ هەر مەتر سێجایەک لەهەوادا.

ئەمڕۆ شارەوانی تاران هۆشداریدا بە منداڵان و ژنانی دوگیان و بەساڵاچوان و ئەو کەسانەی کێشەی هەناسەدانیان هەیە، بە مانەوەیان لەناو ماڵەکانی خۆیاندا.

بەم هۆیەشەوە زۆرێک لە هاوڵاتیانی تاران بە دەمامکەوە دەبینران، بۆ خۆپاراستن لەو دوکەڵ و خۆڵەی کە بەهۆی ئوتومبێلی تایبەت و گشتییەوە دەردەچێت.

لەماوەی رابردودا دەزگاکانی راگەیاندنی ئێران ئاماژەیان بەوەکردوە، ساڵانە بەهۆی پیسبونی هەواوە 30 هەزار روداوی مردن لەسەرانسەری ئێراندا تۆماردەکرێت.

هەمو زستانێک تارانی پایتەختی ئێران بەهۆی خراپی پیسبونی هەواوە دەناڵێنن، گۆڕانکاری لەپلەی گەرما هۆکاری تەشەنەکردنی چەندین جۆر لە بەکتریا و ڤایرۆسی مەترسیدارە لەو شارەدا.

بەپێی راپۆرتەکانی بانکی نێودەوڵەتی جیهانی، دیاردەی پیسبونی هەوا لەو شارانەدایە کە رێژەی دانیشتوان تێیدا لە هەشت ملیۆن تێپەڕیوە، ئەوەش بەهۆی دوکەڵی ئوتومبێل و ماتۆڕ و کارگە و وێستگەی سوتەمەنی زۆرەوە.



Copyright © 2016 Xendan.org all rights reserved

designed and developed by AVESTA GROUP