هەواڵی ئەمڕۆ

بەپەلە

‎كۆسرەت رەسوڵ لەگەڵ بەرپرسی نوسینگەی یەكێتی ئەوروپا لە هەرێمی كوردستان كۆبوەوە

- 11/13/2019 4:58:00 PM 1059 جار خوێندراوەتەوە

خەندان-

‎سەرلەبەیانی ئەمڕۆ چوارشەممە لەشاری سلێمانی، كۆسرەت ڕەسول عەلی جێگری یەكەمی سكرتێری گشتی یەكێتی نیشتمانی كوردستان لەگەڵ ڤینیسینت پۆپیۆو بەرپرسی نوسینگەی یەكێتی ئەوروپا لە هەرێمی كوردستان كۆبوەوە.

‎لە كۆبونەوەكەدا كە سەعدی ئەحمەد پیرە ئەندامی مەكتەبی سیاسی یەكێتی ئامادەی بو، گفتوگۆكرا لەبارەی دۆخی كوردستان و عێراق و پرسەكانی پەیوەست بە گۆڕانكارییە پێشبینیكراوەكان.

‎تایبەت بەدۆخی كوردستان، كۆسرەت ڕەسول ڕایگەیاند، یەكێتی لەگەڵ یەكهەڵوێستی لایەنە سیاسییەكانە و هەوڵی جددی دەدا تا سەرجەم هێزە كوردستانییەكان خاوەن دیدێكی هاوبەش بن بۆ پرسەكانی پەیوەست بە دۆخی كوردستان.
 جێگری یەكەمی سكرتێری گشتی یەكێتی پشتیوانی خۆی بۆ داوا ڕەواكانی خۆپیشاندەران دەربڕی و ئاماژەی بەوەدا كە پشتیوانی لەهەمو هەوڵێكی چاكسازی و بەرەنگاربونەوەی گەندەڵی دەكەن

سەبارەت بەدۆخی بەغداو خۆپیشاندانەكان، جێگری یەكەمی سكرتێری گشتی یەكێتی پشتیوانی خۆی بۆ داوا ڕەواكانی خۆپیشاندەران دەربڕی و ئاماژەی بەوەدا كە پشتیوانی لەهەمو هەوڵێكی چاكسازی و بەرەنگاربونەوەی گەندەڵی دەكەن و سەبارەت بەپرسی هەمواری دەستوریش ڕایگەیاند نابێ مافە دەستوریی و یاساییەكانی كورد دەستكاری بكرێ و دەبێ دەستور ڕەنگدانەوەی واقیعی نەتەوەو ئایین و پێكهاتە جیاوازەكانی عێراق بێت.

‎بەشێكی تری دیدارەكە تەرخانكرا بۆ دۆخی ناوخۆی یەكێتی و پرسی بەستنی كۆنگرەی یەكێتی، لەمڕوەوە كۆسرەت ڕەسول بەوردی باسی لەهەنگاوەكانی بەستنی كۆنگرەو هەوڵەكانی یەكێتی بۆ حوكمڕانییەكی تەندروست و خزمەتگوزار خستەڕو.

‎پەیوەندییەكانی نێوان هەرێمی كوردستان و یەكێتی ئەوروپا تەوەرێكی تری دیدارەكە بو، كۆسرەت ڕەسول داوای لە بەرپرسی نوسینگەی یەكێتی ئەوروپا كرد كە هەوڵبدەن پەرە بە پەیوەندییەكان بدەن و لەسێكتەرە جیاوازەكان خزمەتی هەرێمی كوردستان بكەن.



Copyright © 2016 Xendan.org all rights reserved

designed and developed by AVESTA GROUP