هەواڵی ئەمڕۆ

بەپەلە

لەدەوریەی پێنجەمی هێزەكانی توركیا و روسیا، هاوڵاتیان لە كۆبانێ زرێپۆشێك تێكدەشكێنن

- 11/12/2019 11:23:00 PM 20569 جار خوێندراوەتەوە

خەندان-

ئەمڕۆ دوای حەوت كاتژمێر، دەوریەی هاوبەشی نێوان سوپای توركیا و روسیا لە گوندەكانی دەوروبەری كۆبانێ كۆتایی هات.

هاوشێوەی دەوریەكانی دیكە، ئەمڕۆش دانیشتوانی ئەو ناوچانەی كۆبانێ لەرێگەی بەردبارانەوە روبەروی سەربازانی توركیا و روسیا بونەوە.

بەگوێرەی سەرچاوەكانی میدیای ناوچەكە، لە گوندی جیم-حارانی باشوری كۆبانێ، هاوڵاتیان بەشێوەیەكی فراوان روبەروی دەوریەی هاوبەشی توركیا و روسیا بونەوە و زرێپۆشێكی سوپای توركیایان تێكشكاندو دواتر سوپای توركیا گەڕاونەتەوە گوندەكە بۆ بردنەوەی زرێپۆشەكە.

لەدوای رێکەوتنی رەجەب تەیب ئەردۆغان سەرۆک کۆماری تورکیا، و ڤلادیمیر پۆتین سەرۆکی روسیا، لە رۆژی 22 ئۆکتۆبەر لە سۆچی،دەوریە سەربازییە هاوبەشەکانی تورکیا و روسیا، لە رۆژئاڤای کوردستان دەستپێکردوە.

 



Copyright © 2016 Xendan.org all rights reserved

designed and developed by AVESTA GROUP