لەرۆژئاوای کەرکوک گەورە تیرۆرستێک کوژرا

- 11/12/2019 6:17:00 PM 2518 جار خوێندراوەتەوە

خەندان-

دەسەڵاتدارانی ئەمنی شاری کەرکوک بڵاویانکردەوە لەئۆپەراسیۆنێکدا لەرۆژئاوای کەرکوک مەترسیدارترین تیرۆرستی سەربە رێکخراوی داعشیان کوشتوە.

بەگوێرەی هەواڵێکی ئەلحورە، ئۆپەراسیۆنەکە لەلایەن هێزەکانی پۆلیسی فیدڕاڵی و حەشدی عەشایری لەناوچەی ریاز لەخۆرئاوای کەرکوک ئەنجامدراوە و تێیدا عەلی هاشم مولان، یەکێک لەدیارترین فەرماندەکانی رێکخراوی داعش کوژراوە.
دو تیرۆرستی دیکە هاوڕێیەتی مولانیان کردوە ئەوانیش کوژراون

هاوکات ئەوەش ئاشکراکراوە، دو تیرۆرستی دیکە هاوڕێیەتی مولانیان کردوە ئەوانیش کوژراون و ئەندامێکی حەشدی شەعبیش کە بەشداری ئۆپەراسیۆنەکە بون برینداربوە.

جگەلەوە، لەئۆپەراسیۆنێکی دیکەدا لەپارێزگای نەینەوا دو چەکداری داعش لەتونێلێکدا لەچیای بادوش کوژراون.

لای خۆشییەوە لیوا روکن نومان زوبێعی، فەرماندەی گشتی ئۆپەراسیۆنەکانی نەینەوا رایگەیاند، ئەمڕۆ بەهاوکاری دەزگای هەواڵگری و ئۆپەراسیۆنەکانی نەینەوا توانیویانە دو تیرۆرست لەتونێلێکی چیای بادوش بکوژن.

ئاماژەشی بەوەکردوە لەتونێلەکەدا بڕێکی زۆر خواردەمەنی و کەرەستەی پزیشکی و ئامێری تەقینەوە دەستی بەسەرداگیراوە.


Copyright © 2016 Xendan.org all rights reserved

designed and developed by AVESTA GROUP