ئیسرائیل باری لەناكاوی لە سنوری كەرتی غەززە راگەیاند

- 11/12/2019 5:38:00 PM 1616 جار خوێندراوەتەوە

خەندان-

لە ئەنجامی ئاڵۆزیەكانی نێوان سوپای ئیسرائیل و هاوڵاتیانی فەلەستین، هاوكات پاش راگەیاندنی كوشتنی فەرماندەیەكی باڵای سەرایا قودس لە لایەن ئیسرائیلەوە، باری لەناكاو لە غەززە راگەیەندرا.

پاش ئەوەی ئەمڕۆ سێشەممە سوپای ئیسرائیل رایگەیاند، لە ئۆپەراسیۆنێکی هەواڵگریدا ئەبو عەتا، فەرماندەی سەرایا قودسیان کوشتوە، کە باڵی سەربازی بزوتنەوەی شۆڕشگێرانی ئیسلامییە لە کەرتی غەززە، دەسەڵاتی غەززە بەڵێنی تۆڵەکردنەوەیدا.

پاش راگەیاندنەكەی سوپای ئیسرائیل، لە كەرتی غەززەوە زیاترلە 100 موشەك رەوانەی پێگەكانی ئیسرائیل لە باكوری غەززە و سنورەكانی تەلئەبیب كران، بەهۆی ئەنجامدانی چەند هێرشێكی ئیسرائیل-یشەوە بۆ سەر ناوچە فەڵەستین نشینەكانی كەرتی غەززە تا ئێستا پێنج كەس كوژراون و ژمارەیەكی دیكەش بریندارن.

بەهۆی گرژی و ئاڵۆزیەكانەوە، سوپای ناوخۆیی ئیسرائیل بڕیاریدا بە راگرتنی خوێندن لە تەواوی ناوچەی گوشدان لە تەلئیبیب و ناوچەكانی كەرتی غەززە، هاوكات سەرجەم ئەو كارانەی راگرت كە پێویستە لە دەرەوەی ماڵ ئەنجامبدرێت، ئەوەش یەكەمین هەنگاوی لەو جۆرەی سوپای ئیسرائیلە پاش كۆتاییهاتنی جەنگ لە هاوینی ساڵی 2014دا.



Copyright © 2016 Xendan.org all rights reserved

designed and developed by AVESTA GROUP