وەزیری دارایی هەرێم لەبارەی گەڕانەوەی پێشینەی خانوبەرەوە دەدوێت

- 11/11/2019 9:25:00 PM 93304 جار خوێندراوەتەوە

خەندان-

وەزیری دارایی هەرێم رایگەیاند، ئەو هاوڵاتیانەی یەک بەشی پێشینەی خانوبەرەیان وەرگرتوە، و بەڵێنیان داوە بەشی دوەم وەرنەگرن، ئەوە قیستەکانیان بۆ دەکرێت بە نیوە، بەڵام گۆڕانکاری لە بڕی پارەکە ناکرێت.

لە وەڵامی پرسیارێکی سۆران عومەر، ئەندامی پەرلەمانی کوردستان، ئاوات شێخ جەناب وەزیری دارایی هەرێم باسی ئەوەیکردوە، ئەو هاوڵاتیانەی یەک بەشی پێشێنەی خانوبەرەیان وەرگرتوە هەر ئەو بەشەیان لێ وەردەگیریتەوە کە وەریانگرتوە.
ئەو هاوڵاتیانەی بەشی دوەمی پێشینەیان وەرنەگرتوە، و بەڵێنیان نەداوە کە وەرینەگرن، لە داهاتودا وەریدەگرن

 

ئاماژەی بەوەشکردوە، بەڵام ئەو هاوڵاتیانەی بەشی دوەمی پێشینەیان وەرنەگرتوە، و بەڵێنیان نەداوە کە وەرینەگرن، لە داهاتودا وەریدەگرن و دواتر بەبێ گۆڕانکاریکردن لەو بڕە پارەیەی کە دەبێت بیگەڕێننەوە پارەكەیان لێوەردەگیرێتەوە.

ئەمەش لەکاتێکدایە ماوەی چەندین ساڵە پێدانی پێشینەی خانوبەرە، بە هاوڵاتیان راگیراوە، و بەشێک لەو هاوڵاتیانەش بەشێکی پێشینەکەیان وەرگرتوە، و بەشێکیان وەرنەگرتوە.



Copyright © 2016 Xendan.org all rights reserved

designed and developed by AVESTA GROUP