بەپەلە

ڤیدیۆ؛ گەنجێک لە پەخشی راستەوخۆدا گوێی رۆژنامەنوسێکی راکێشا

- 11/10/2019 3:16:00 PM 11065 جار خوێندراوەتەوە

خەندان-

لە پەخشی راستەوخۆدا گەنجێکی ئۆکرانی گوێی رۆژنامەنوسێکی راکێشا و تۆمەتباریکرد بە "سیخوڕیکردن بۆ روسیا".

لە گفتوگۆیەکدا لەسەر چارەنوسی دونباس لە باکوری ئۆکرانیا تاراس ئەلیکۆ، رێکخەری جوڵانەوەی خۆبەخشانی ئۆکرانیا رۆژنامەنوس رۆسلان کۆتسبای تۆمەتبارکرد بە سیخوڕیکردن بۆ روسیا و هەستا بە توندی گوێی راکێشا.

بەرنامەکە بە سەدان هەزار کەس بینویانە و پێشکەشکارەکەش هیچ کاردانەوەیەکی ئەوتۆی لەبەرامبەر ئەو روداوە نەبو.

ئوکرانیا دوەم وڵاتی گەورەی ڕۆژھەڵاتی ئەوروپایە، لەگەڵ ڕوسیا لە ڕۆژھەڵاتەوە، بیلاڕوس لە باکور، پۆڵەندا، سلۆڤاکیا و ھەنگاریا لە رۆژاواوە، رۆمانیا و مۆلدۆڤا لە باشووری رۆژاواوە، و دەریای ڕەش و دەریای ئازووف لە باشورەوە ھاوسنورە.

لە نێوان ساڵانی ١٩٢٣-١٩٩١ زۆربەی ئوکرانیا بەشێک بو لە یەکێتیی کۆمارەکانی سۆڤیێتەوە و لە دوای ١٩٩١ ەوە جیابونەوە و سەربەخۆییان راگەیاند

 

ئوکرانیا ئەندامە لە یەکێتیی وڵاتە سەربەخۆکان،  لە نێوان ساڵانی ١٩٢٣-١٩٩١ زۆربەی ئوکرانیا بەشێک بو لە یەکێتیی کۆمارەکانی سۆڤیێتەوە و لە دوای ١٩٩١ ەوە جیابونەوە و سەربەخۆییان راگەیاند.

لە دوای روخانی  یەکێتی سۆڤیەت لە  کۆتایی جەنگی سارد-دا، ئۆکرانیا لە ڕێگەی ریفەراندۆمەوە  لە کۆتایی ساڵی ١٩٩١ دا لە روسیا جیابوەوە و سەربەخۆیی بەدەستهێنا، بەڵام دروستکردنی هەیکەلی حکومەتی نوێی ئۆکرانیا، هەر لە سەرەتاوە بە کیشمەکێشی ناوخۆیی دەستیپێکرد، بەوپێیەی  لە ئۆکرانیادا  نزیکی سەدا ٢٠ یان روسین و پاشماوەی یەکێتی سۆڤییەتی جارانن.

لە ئۆکرانیادا ژمارەی روسەکان زۆرە و کاریگەریان لەسەر رامیاری ئۆکرانیا هەیە

 

لە ئۆکرانیادا ژمارەی روسەکان زۆرە و کاریگەریان لەسەر رامیاری ئۆکرانیا هەیە، جگەلەوەی ئۆکرانیا وەکو وڵاتێکی بەرفراوان و گەورە شوێنێکی ستراتیژی گرنگی لە ناوچەکەدا هەیە.

روسیا چاوی لە ناوچەی ستراتیژی نیمچە دورگەی کریمیا هەبوە و لەبنچینەدا بەهی خۆی دەزانێت، هەروەکو بنکەی دەریایی روسیا بەبەردەوامی لە شاری سیڤاستۆپۆلی نیمچەدورگەی کریمیا بوە، هەروەها کریمیا بۆ روسیا وەکو دەروازەیەکە بۆ دەریای رەش و رۆژهەڵاتی ناوەڕاست.



Copyright © 2016 Xendan.org all rights reserved

designed and developed by AVESTA GROUP