تورکیا: واشنتن مافی ئەوەی نیە دەست بەسەر نەوتی سوریادا بگرێت

- 11/9/2019 4:32:00 PM 1227 جار خوێندراوەتەوە

خەندان -            

وەزیری دەرەوەی تورکیا رایگەیاند، ویلایەتە یەکگرتوەکانی ئەمریکا بەرونی دانی بەوەداناوە کە هێزەکانی لەسوریا بۆ پاراستنی کێڵگە نەوتیەکان هێشتوەتەوە وتیشی، " هیچ کەسێک مافی ئەوەی نییە دەست بەسەر سامانەکانی سوریادا بگرێت."

 ئەمڕۆ شەممە مەولود چاوشئۆغلۆ، وەزیری دەرەوەی تورکیا لەمیانەی کۆنگرەیەکی رۆژنامەوانیدا لەویلایەتی ئەنتاڵیا لە باشوری تورکیا رایگەیاند"ئەمریکا زۆربەڕونی دانی بەوەداناوە، کە هێزە سەربازیەکانی وڵاتەکەی تەنها بۆ پاراستنی کێڵگە نەوتییەکانی سوریا هێشتوەتەوە".
هیچ کەسێک مافی ئەوەی نیە دەستبگرێت بەسەر سامانە سروشتیەکانی وڵاتی سوریادا

وتیشی، هیچ کەسێک مافی ئەوەی نیە دەستبگرێت بەسەر سامانە سروشتیەکانی وڵاتی سوریادا.

لە6ی ئۆکتۆبەردا ویلایەتە یەکگرتوەکان هێزەکانی خۆی لە رۆژئاڤای کوردستان کشاندەوە، کە لە 22 بنکە پێکهاتبو پێش دەستپێکردنی ئۆپەراسیۆنە سەربازیەکەی تورکیا لەدژی هێزەکانی سوریای دیموکرات.

دەزگاکانی راگەیاندنی ئەمریکا بڵاویکردەوە، لەسەرەتای ئەم مانگەدا ویلایەتە یەکگرتوەکانی ئەمریکا دو بنکەی دیکەی سەربازی لەدێرزور دروستکردوە و زیاتر لە 250 سەرباز وچەندین موشەک و هاوەنی جەنگی رەوانەی ئەو ناوچانە کردوە کە هێزەکانی تێدا بڵاوکردوەتەوە.


Copyright © 2016 Xendan.org all rights reserved

designed and developed by AVESTA GROUP