بەپەلە

پێکدادان لە نێوان سوپای سوریا و تورکیا لە سەرێ کانی رویدا

- 11/9/2019 12:26:00 PM 10181 جار خوێندراوەتەوە

خەندان-      

ئاژانسی سانای فەرمی حکومەتی سوریا بڵاویکردەوە، نیوەڕۆی ئەمڕۆ پێکدادان لە نێوان سوپای سوریا لەلایەک و سوپای تورکیا و گروپە چەکدارەکانی سەر بە تورکیا لەلایەکی دیکە لە گوندی ئوم شەعیفە لە سەرێ کانی بەچەکی قورس رویداوە و تا ئێستاش بەردەوامە.

سوپای تورکیا بە هاوکاری گروپە چەکدارەکانی سەر بە تورکیا ئەمڕۆ شەممە هێرشیانکردە سەر سوپای سوریا لە گوندەکانی ئوم شەعیفە و گوندی گۆڕی بچوک لە ناوچەکانی دەوروبەری تەلتەمر و سەرێکانی.

هاوکات ئاژانسی هاوار نیوز بڵاویکردەوە، هێرشەکە بە بەکارهێنانی چەکی قورس لەلایەن گروپە چەکدارەکانەوە ئەنجامدراوە، بەوهۆیەوە چەندین کوژراو و برینداری لەناو سوپای سوریا لێکەوتوەتەوە.

دوێنێ هەینی روانگەی سوری بۆ مافەکانی مرۆڤ رایگەیاند، سوپای سوریا بە هاوکاری هێزەکانی سوریای دیموکرات(هەسەدە) توانیویانە کۆنتڕۆڵی ئوم شەعیفە لە حەسەکە بگرنەوە دەست، کە لەنزیک ناوچەی سەرێکانییە.


Copyright © 2016 Xendan.org all rights reserved

designed and developed by AVESTA GROUP