چاودێرانی ئاژانسی نێودەوڵەتی وزە سەردانی ئێران دەکەن
ئێران: هەزار و 44 ئامێری نوێی پیتاندنی ناوەکیمان خستوەتەکار

- 11/9/2019 11:30:00 AM 1051 جار خوێندراوەتەوە

خەندان-      
  
چاودێرانی ئاژانسی نێودەوڵەتی وزە سبەی یەکشەممە سەردانی ئێران دەکەن و وتەبێژی دەزگای وزەی ئەتۆمی ئێران-یش رایدەگەیەنێت، وڵاتەکەی هەزار و 44 ئامێری نوێی پیتاندنی ناوەکی بەکارخستوە.
لەهەنگاوی چوارەمی کەمکردنەوەی پابەندیەکانمان بە رێککەوتننامە ئەتۆمیەکەی ساڵی 2015دا دەزگاکەمان هەزار و 44 ئامێری پیتاندنی ناوەکی بەکارخستوە

 

بەهرۆز کەمالوەندی، وتەبێژی دەزگای وزەی ئەتۆمی کۆماری ئیسلامی ئێران لەکۆنگرەیەکی رۆژنامەوانیدا رایگەیاند، "لەهەنگاوی چوارەمی کەمکردنەوەی پابەندیەکانمان بە رێککەوتننامە ئەتۆمیەکەی ساڵی 2015دا دەزگاکەمان هەزار و 44 ئامێری پیتاندنی ناوەکی بەکارخستوە".
چاودێرانی دەزگای نێودەوڵەتی وزەی ئەتۆم نمونەیەک لەو یۆرانیۆمەی کە لەوێستگەکەدا دەپیتێنرێت، دەپشکنێت

 

ئاماژەی بەوەشکرد، "گازیUf6 لە ئامێرەکانی تەنز لەوێستگەی فۆردۆ زیادیکردوە، سبەینێ یەکشەممە چاودێرانی دەزگای نێودەوڵەتی وزەی ئەتۆم، نمونەیەک لەو یۆرانیۆمەی کە لەوێستگەکەدا دەپیتێنرێت، دەپشکنێت".
"هەنگاوەکانی وڵاتانی ئەوروپا بۆ رزگارکردنی رێککەوتننامە ئەتۆمییەکە بەکردار جێبەجێنەکرا

 

وتەبێژی دەزگای وزەی ئەتۆمی ئێران وتیشی، "هەنگاوەکانی وڵاتانی ئەوروپا بۆ رزگارکردنی رێککەوتننامە ئەتۆمییەکە، بەکردار جێبەجێنەکرا".
شەشی ئەم مانگە، حکومەتی ئێران بە فەرمی هەنگاوی چوارەمی لە کەمکردنەوەی پابەندیەکانی بە رێککەوتننامە ئەتۆمیەکەی ساڵی 2015 راگەیاند

 

شەشی ئەم مانگە، حکومەتی ئێران بە فەرمی هەنگاوی چوارەمی لە کەمکردنەوەی پابەندیەکانی بە رێککەوتننامە ئەتۆمیەکەی ساڵی 2015 راگەیاند، هەمان رۆژ دیپلۆماسیەکانی دەزگای نێودەوڵەتی وزەی ئەتۆم رایانگەیاند، چاودێرێکی دەزگاکەیان لە ئێران ماوەیەکە دەستگیرکراوە و رێگەی پێنادرێت گەشت بۆ دەرەوەی ئەو وڵاتە بکات.

ئەو روداوە بەیەکەمین روداوی لەوجۆرە دادەنرێت لەلایەن کۆماری ئیسلامی ئێرانەوە پاش رێککەوتنی ئەتۆمی 2015-ی نێوان کۆماری ئیسلامی ئێران وڵاتانی رۆژئاوا، کە تیایدا چالاکیە ئەتۆمیەکانی ئێران  لەبەرامبەر لابردنی سزا ئابوریەکانی ئەو وڵاتە سنوردار کرا.

ساڵی رابردو ویلایەتە یەکگرتوەکانی ئەمریکا لەو رێککەوتننامە ئەتۆمیە کشایەوە و دوبارە سزا ئابوریەکانی بەسەر ئێراندا سەپاندەوە، لەبەرامبەریشدا ئێران پابەندبونی خۆی بەو رێککەوتنەوە بەچەند قۆناغێک کەمکردەوە.


Copyright © 2016 Xendan.org all rights reserved

designed and developed by AVESTA GROUP