دەربەندیخان؛ تەقینەوەی بوتڵیکی غاز چوار قوربانی لێكەوتەوە

- 11/8/2019 9:12:00 PM 9291 جار خوێندراوەتەوە

خەندان - نیگار عومەر 

بەهۆی تەقینەوەی بوتڵێكی غاز، لە ماڵێكی قەزای دەربەندیخان چوار ئەندامی خێزانێك سوتان.

زەردەشت عوسمان، بەرپرسی ڕاگەیاندنی تەندروستی دەربەندیخان بەخەندان-ی ڕاگەیاند، " بەهۆی تەقینەوەی بوتڵیکی غاز لە ماڵێکی قەزای دەربەندیخان چوار ئەندامی خێزانیک سوتان".

ئاماژەی بەوەشكرد "لەو چوار كەسە، برینی یەکێکیان سەختەو بەهۆی سەختی برینەكەیەوە ڕەوانەی نەخۆشخانەی سلێمانی کراوە".

ڕونیشیکردەوە " قوربانیەكانی ئەو روداوە دایکێک و دو کچی لەگەڵ زاوایەکیانە،برینی دوانیان سوک بوە و دوای گەیاندنیان بە نەخۆشخانەی دەربەندیخان ڕەوانەی ماڵەوە کراوان، بەڵام یەکێک لەکچەکان  بەهۆی زۆری سوتاویەکەیەوە ڕەوانەی نەخۆشخانەی سلێمانی کراوە".


Copyright © 2016 Xendan.org all rights reserved

designed and developed by AVESTA GROUP