وێنە و ڤیدیۆ..روخساری ماسییەك هاوشێوەی روخساری مرۆڤە

- 11/8/2019 8:10:00 PM 88136 جار خوێندراوەتەوە

خەندان-

لە گوندێكی وڵاتی چین، گەشتیاران دیمەنێكیان تۆماركردوە، تێیدا ماسییەك دەردەكەوێت كە روخساری هاوشێوەی روخساری مرۆڤە.

گەشتیارانی گوندی میاۆ لە وڵاتی چین، گرتە ڤیدیۆییەكیان تۆماركردوە، تێیدا لە یەكێك لە روبارەكاندا ماسییەك بەدی دەكرێت، كە وا هاوشێوەی مرۆڤ لوت و چاوی دەردەكەوێت، ئەوەش بوەتە جێی سەرسورمانی گەشتیارەكان.

گەشتیارەكان دواتر ئەو گرتە ڤیدیۆییەیان لە تۆڕی كۆمەڵایەتی ویبۆ بڵاوكردوەتەوە، كە یەكێكە لە بڵاوترین ئامڕازی پەیوەندی لە وڵاتی چین، بەوشێوەیە بوەتە جێی سەرنجی بەكارهێنەرانی تۆڕە كۆمەڵایەتیە جیهانیەكانیش.

ساڵی 2010، پیاوێكی بریتانی رایگەیاند، پاش پێنج مانگ لە كڕینی ماسییەكی ئاسایی، تێبینی ئەوەی كردوە روخساری ماسیەكە بەرەو لێكچونی لە روخساری مرۆڤ دەگۆڕێت.


Copyright © 2016 Xendan.org all rights reserved

designed and developed by AVESTA GROUP