فەرماندەیی ئەمریكا خستنەخوارەی فڕۆكەیەكی ئەمریكی لە ئاسمانی ئێران رەتدەكاتەوە

- 11/8/2019 5:15:00 PM 1603 جار خوێندراوەتەوە

 خەندان-

 پاش ئەوەی بەیانی ئەمڕۆ فەرماندەی هێزە ئاسمانیەكانی ئێران خستنەخوارەوەی فرۆكەیەكی بێ فرۆكەوانیان لە بەندەری ماهشەهر رایگەیاند، ئێوارەی ئەمڕۆ ناوەندی فەرماندەیی هێزەكانی ویلایەتە یەكگرتوەكان وەڵامیان دایەوە.

بەیانی ئەمڕۆ هەینی عەلی رەزا سەباحی، فەرماندەی هێزی ئاسمانی ئێران رایگەیاند،"هێزە ئاسمانییەكانی ئێران فرۆكەیەكی بێ فرۆكەوانیان لە بەندەری ماهشەهر لە باشوری ئێران خستۆتەخوارەوە".

بەگوێرەی سەرچاوە هەواڵییەكانی ئێران، ئەو ڕوداوە لە نزیک بەندری ئیمام ڕویداوە و فرۆكە بێ فرۆكەوانەكە لە لایەن سیستەمی دژە موشەکی مورسادەوە کراوەتە ئامانج و خراوەتە خوارەوە.

ناوەندی فەرماندەیی هێزەكانی ئەمریكا لە هەژماری تایبەتی خۆی لە تویتەر رایگەیاند "سەرجەم ئەو هەواڵانەی باس لەوەدەكەن فڕۆكەیەكی بێفڕۆكەوانی ئەمریكی خراوەتە خوارەوە دورە لە راستیەوە".

 



Copyright © 2016 Xendan.org all rights reserved

designed and developed by AVESTA GROUP