ئێران خستنە خوارەوەی فرۆكەیەكی بێ فرۆكەوانی راگەیاند

- 11/8/2019 3:19:00 PM 2746 جار خوێندراوەتەوە

خەندان-

فەرماندەی هێزی ئاسمانی ئێران رایگەیاند،"بەیانی ئەمڕۆ هەینی، هێزە ئاسمانییەكانی ئێران فرۆكەیەكی بێ فرۆكەوانیان لە بەندەری ماهشەهر خستۆتەخوارەوە".

عەلی رەزا سەباحی، فەرماندەی هێزی ئاسمانی ئێران رایگەیاند،"هێزە ئاسمانییەكانی ئێران فرۆكەیەكی بێ فرۆكەوانیان لە بەندەری ماهشەهر لە باشوری ئێران خستۆتەخوارەوە".

بەگوێرەی سەرچاوە هەواڵییەكانی ئێران، ئەو ڕوداوە لە نزیک بەندری ئیمام ڕویداوە و فرۆكە بێ فرۆكەوانەكە لە لایەن سیستەمی دژە موشەکی مورسادەوە کراوەتە ئامانج و خراوەتە خوارەوە.

لەلایەكی دیكە، سەرچاوەیەكی ئەمنی ئێران رایگەیاندوە كە ئەو فرۆكە بێ فرۆكەوانە لەلایەن وڵاتێكی بیانییەوە نێردراوە بەبێ ئەوەی ناوی وڵاتەكە بهێنێت.



Copyright © 2016 Xendan.org all rights reserved

designed and developed by AVESTA GROUP