بەپەلە

میسر و یۆنان و قوبرس سەرکۆنەی تورکیا دەکەن لەبەرامبەر ھەوڵەکانی گۆڕینی دیمۆگرافیای سوریا

- 11/8/2019 2:52:00 PM 3020 جار خوێندراوەتەوە

خەندان-

وەزیرانی بەرگری میسر و یۆنان و قوبرس، سەرکۆنەی تورکیا دەکەن لەبەرامبەر ھەوڵەکانی گۆڕینی دیمۆگرافیای دانیشتوانی باكور و رۆژهەڵاتی سوریا.

لە بەیاننامەیەكدا كە وتەبێژێك بەناوی هێزە چەكدارەكانی میسر دەریكردوە، هاتوە، وەزیرانی بەرگری میسر و یۆنان و قوبرس، سەرکۆنەی تورکیادەکەن لەبەرامبەر ھەوڵەکانی گۆڕینی دیمۆگرافیای دانیشتوانی باكور و رۆژهەڵاتی سوریا و لەشكركێشییەكانی بۆ سەر ئەو وڵاتە.

ئاماژەیان بەوەشكردوە، كە ئەو وەزیرانە "داگیركارییەكانی توركیا" لەم ماوانەی دواییدا بۆ سەر سوریا شەرمەزار دەكەن و رایانگەیاندوە كە دەبێتە هۆی دروستبونی قەیرانێكی نوێی مرۆڤایەتی و زیادبونێكی نوێ لە ژمارەی ئاوارەكان"

ئەوەشخراوەتەرو كە ئەو وەزیرانە، هەوڵەكانی توركیایان بۆ ژێرپێخستنی سەروەری و یەكێتی و یەكڕیزی لەناو خاكی سوریا شەرمەزاركردوە و داوایانكردوە كە دەستبەجێ توركیا هەوڵەكانی بۆ گۆڕینی دیمۆگرافی سوریا رابگرێت.
 


Copyright © 2016 Xendan.org all rights reserved

designed and developed by AVESTA GROUP