وتەبێژی عادل عەبدولمەهدی: چاوەڕێ مەکەن سەرۆکوەزیران دەست لەکاربکێشێتەوە

- 11/7/2019 9:52:00 PM 3558 جار خوێندراوەتەوە

خەندان-

وتەبێژی فەرماندەی هێزە چەکدارەکانی عێراق رایگەیاند، چاوەڕێ مەکەن عادل عەبدولمەهدی سەرۆکوەزیران دەست لەکاربکێشێتەوە.

لیوا عەبدولکەریم خەڵف، وتەبێژی فەرماندەی هێزە چەکدارەکانی عێراق، لەمیانەی بەشداریکردنی لە بەرنامەیەكی RT ئاماژەی بەوەکرد، ناتوانین رێگە بدەین خۆپیشاندەران بانکی ناوەندی بگرن لەناوەڕاستی بەغداد.

باسی ئەوەشیکرد، خۆپیشاندەران لەلایەن کەسانی نەناسراوەوە دەکوژرێن و کەیسەکانیان لە دادگایە.

وتەبێژی فەرماندەی هێزە چەکدارەکان وتیشی ، ئێمە بەس گازی فرمێسکڕێژ لەدژی خۆپیشاندەران بەکاردەهێنین ئەوەش لە زۆرینەی وڵاتانی جیهان ئەنجام دەدرێت.


Copyright © 2016 Xendan.org all rights reserved

designed and developed by AVESTA GROUP