پەرلەمانی کوردستان راگەیەندراوێکی سەبارەت بەکەیسی ئامانج بابانی و لانە محەمەد بڵاوکردەوە

- 11/6/2019 9:46:00 PM 90076 جار خوێندراوەتەوە

خەندان-

لیژنەی کاروباری کۆمەڵایەتی ومافی مرۆڤ لە پەرلەمانی کوردستان رایگەیاند هیواداران سەرجەم قۆناغەکانی لێکۆڵینەوە لە کەیسەکەی ئامانج بابانی و لانە محەمەد ومنداڵەکەیان ڕێکاری یاسایی خۆی وەربگرێت.

لیژنەکە لە راگەیەندراوێکدا ئاماژەی بەوەکردوە بەدواداچونی سەرەتایمان بۆ بەشێک لە دۆسیەکە کردوە و بەشێک لە زانیاریەکانمان وەرگرتوە.

ئاشکراشیکردوە لیژنەکە بەردەوام دەبێت لە بەدواداچون و چاودێری وردی قۆناغەکە وبەڕێوەچونی لێکۆڵینەوەکان.

باسی ئەوەشیان کردوە چاوەڕێی ئەنجامەکانی کۆتایی دادگا دەکەن و هیوادارن سەرجەم قۆناغەکانی لێکۆڵینەوە لەکەیسەکە رێکاری یاسای خۆی وەربگرێت.

شەوی 16 ی مانگی رابردو هەردوو رۆژنامەنوس ئامانج بابانی و لانە محەمەد  و منداڵەکەیان گیانی لە دەستدا پۆلیسی رایگەیاند ئەو دو رۆژنامەنوسە نەکوژراون بەڵکو روداوکە خۆ کوژی بوە.



Copyright © 2016 Xendan.org all rights reserved

designed and developed by AVESTA GROUP