پشوی رۆژی لەدایکبونی پێغەمبەر یەکلایی کرایەوە

- 11/6/2019 3:00:00 PM 260872 جار خوێندراوەتەوە

خەندان-

وتەبێژی فەرمی حکومەتی هەرێمی کوردستان لەبارەی پشوی رۆژی لەدایکبونی پێغەمبەری ئیسلام رایگەیاند، ئەو پشوە خراوەتە رۆژی شەممە کە رۆژی لەدایکبونی پێغەمبەری ئیسلامە و رۆژی یەکشەممە دەوامی فەرمییە.

لەلێدوانێکی تایبەتدا بۆ خەندان، جوتیار عادل وتەبێژی حکومەتی هەرێمی کوردستان جەختیکردەوە کە پشوی رۆژی لەدایکبونی پێغەمبەری ئیسلام رۆژی شەممەی داهاتوە و رۆژی یەکشەممە دەوامی فەرمییە.

لای خۆشییەوە نەبەز ئیسماعیل بەڕێوەبەری راگەیاندن و پەیوەندییەکانی وەزارەتی ئەوقاف رایگەیاند هەمو ساڵێک رۆژی 12-ی رەبیعول ئەوەل رۆژی لەدایکبونی پێغەمبەرە (د.خ)و لەو رۆژەدا پشوی فەرمی بوە.

لەبارەی بڵاوبونەوەی دەنگۆی دواخستنی پشوەکە بۆ رۆژی یەکشەممە، وتەبێژی حکومەتی هەرێمی کوردستان رایگەیاند، بڕیاری فەرمی حکومەت دیاریکردنی رۆژی شەممەیە وەک پشوی فەرمی و ئەوەش کەوتراوە قسەی حکومەت نەبوە.


Copyright © 2016 Xendan.org all rights reserved

designed and developed by AVESTA GROUP