بەپەلە

راگەیەندراوی کۆتایی کۆبونەوەکە رادەگەیەندرێت
کۆبونەوەی سەرۆک بەرهەم لەگەڵ سێ سەرۆکایەتیەکەی هەرێم و لایەنەکان کۆتاییهات

- 11/5/2019 1:57:00 PM 3641 جار خوێندراوەتەوە

خەندان-

کۆبونەوەی سەرۆک بەرهەم ساڵح لەگەڵ سێ سەرۆکایەتیەکەی هەرێمی کوردستان و لایەنەکان کۆتاییهات و کەمێکی دیکە راگەیەندراوی کۆتایی کۆبونەوەکە رادەگەیەندرێت و هاوکات نێچیرڤان بارزانی، سەرۆکی هەرێمی کوردستان کۆنگرەیەکی رۆژنامەوانی ئەنجامدەدات.

پەیامنێری خەندان لە هەولێر رایگەیاند، کۆبونەوەی د. بەرهەم ساڵح، سەرۆک کۆماری عێراق لەگەڵ سێ سەرۆکایەتییەکەی هەرێمی کوردستان و سەرکردەی حزبە سیاسیەکانی هەرێمی کوردستان کۆتاییهاتوە و کەمێک دیکە راگەیەندراوی کۆبونەوەکە بڵاودەکرێتەوە.

ئاماژەی بەوەشکرد، پاش تەواوبونی کۆبونەوەکە د. بەرهەم ساڵح، سەرۆک کۆماری عێراق و سەرکردەکانی دیکەی لایەنەکان بارەگای سەرۆکایەتی هەرێمی کوردستانیان بەجێهێشت.
کەمێکی دیکەش نێچیرڤان بارزانی، سەرۆکی هەرێمی کوردستان کۆنگرەیەکی رۆژنامەوانی لەبارەی کۆبونەوەکەی ئەمڕۆوە ئەنجامدەدات

 

وتیشی، کەمێکی دیکەش نێچیرڤان بارزانی، سەرۆکی هەرێمی کوردستان کۆنگرەیەکی رۆژنامەوانی لەبارەی کۆبونەوەکەی ئەمڕۆوە ئەنجامدەدات.

بەپێی زانیاریەکانی خەندان، لە کۆبونەوەی ئەمڕۆی سەرۆکایەتیەکەی هەرێمی کوردستاندا کە بەر لە کۆبونەوەی فراوانی سەرۆک کۆمار لەگەڵ لایەنەکانی هەرێمی کوردستان بەرێوەچو، لەسەر دو خاڵ رێککەوتون، یەکەمیان، "کورد لەم قۆناخەدا دەبێت یەکدەنگ و یەکهەڵوێست بێت و بەهیچ شێوەیەک پەرتەوازەیی قبوڵناکرێت". 

بڕیاری دوەمیش ئاماژە بەوەدەکات، "هەرێمی کوردستان بەهیچ جۆرێک لەگەڵ دەستکاریکردنی دەستور نییە، بەڵام ئەگەر بڕیاری هەموارکردن و دەستکاریکردنی درا، ئەوا مەرجی هەرێمی کوردستان ئەوەیە فیدراڵییەتی هەرێمی کوردستان و هەر هەرێمێکی دیکەی فیدراڵ کە لەداهاتودا لە عێراق دروستبێت پارێزراو بێت و سازش لەسەر ئەوە ناکرێت".


Copyright © 2016 Xendan.org all rights reserved

designed and developed by AVESTA GROUP