بەپەلە

"ئەگەرهەیە پردی کۆماری لەبەغدا هەرەسبهێنێت"
وتەبێژی عادل عەبدولمەهدی خۆپیشاندەران ئاگاداردەکاتەوە

- 11/4/2019 12:26:00 PM 6254 جار خوێندراوەتەوە

خەندان-

وتەبێژی عادل عەبدولمەهدی، فەرماندەی گشتی هێزە چەکدارەکانی عێراق هۆشداری لەبارەی هەرەسهێنانی پردی کۆماری دەکات، کە دەکەوێتە ناوەڕاستی بەغدادی پایتەختەوە.
بەهۆی گوێنەدان و ئاگرکردنەوە لەسەر پردی کۆماری لە ناوەڕاستی بەغدا، ناوبەندە لاستیکییەکانی پردەکە دەسوتێت و لەناودەچێت

 

لیوا عەبدول کەریم خەلەف، وتەبێژی عادل عەبدولمەهدی، فەرماندەی گشتی هێزە چەکدارەکانی عێراق ئەمڕۆ رایگەیاند، "بەهۆی گوێنەدان و ئاگرکردنەوە لەسەر پردی کۆماری لە ناوەڕاستی بەغدا، ناوبەندە لاستیکییەکانی پردەکە دەسوتێت و لەناودەچێت، کە پردەکەی لەسەر بەندە، ئەمەش هۆکارێک دەبێت بۆ هەرەسهێنانی ئەو پردە".
پردی کۆماری مەیدانی تەحریر و ناوچەی سەوزی بەغداد بەیەکەوە دەبەستێتەوە، کە ناوچەی سەرەکی خۆپیشاندانەکانە

 

پردی کۆماری مەیدانی تەحریر و ناوچەی سەوزی بەغداد بەیەکەوە دەبەستێتەوە، کە ناوچەی سەرەکی خۆپیشاندانەکانە کە لە سەرەتای مانگی ئۆکتۆبەری رابردوەوە بەردەوامە.
خۆپیشاندەرانی بەغدا و شارەکانی ناوەڕاست و خواری عێراق بە مەبەستی داواکردنی پرۆژە خزمەتگوزارییەکان و هەلی کار و گۆڕینی سیستمی حکومڕانی لەسەر شەقامن

 

لە یەکی تشرینی یەکەمی ئەمساڵەوە بە هەزاران خۆپیشاندەرەی بەغدا و شارەکانی ناوەڕاست و خواری عێراق بە مەبەستی داواکردنی پرۆژە خزمەتگوزارییەکان و هەلی و گۆڕینی سیستمی حکومڕانی لەسەر شەقامن و لە ئێستادا خۆپیشاندەران نارەزاییەکانیان بۆ مانگرتن گۆڕیوە.

ئەمڕۆ خۆپیشاندەران هەوڵیاندەدا لەسەر ئەو پردەوە بپەڕنەوە بۆ ناوچەی سەوز، کە لەلایەن هێزەکانی ئاسایشی عێراقەوە پارێزگاری لێدەکرێت و بەمەبەستی بڵاوەپێکردنی خۆپیشاندەران گازی فرمێسک رێژیان بەکارهێنا.


Copyright © 2016 Xendan.org all rights reserved

designed and developed by AVESTA GROUP