جەهەپە: سیاسەتەکانی ئەردۆغان لەسوریا و رۆژهەڵاتی ناوەڕاست شکستیانهێناوە

- 11/3/2019 3:29:00 PM 7030 جار خوێندراوەتەوە

خەندان-


سەرۆکی پارتی کۆماری خەڵک کە گەورەترین پارتی ئۆپۆزسیۆنی تورکیایە رایگەیاند سیاسەتەکانی رەجەب تەیب ئەردۆغانی سەرۆکی تورکیا لەسوریا و رۆژهەڵاتی ناوەڕاست شکستخواردوبون.

بەپێی هەواڵێکی ئاژانسی سانای سوریی، کەمال کلچدارئۆغلۆ سەرۆکی پارتی کۆماری خەڵک کە گەورەترین پارتی ئۆپۆزسیۆنی تورکیایە رایگەیاند سیاسەتەکانی رەجەب تەیب ئەردۆغانی سەرۆکی تورکیا لەسوریا و رۆژهەڵاتی ناوەڕاست شکستخواردو بون.
هەریەک لەئەردۆغان، نەتەوە یەکگرتوەکانی ئەمریکا و سعودیە و قەتەر بەناوی دیموکراسییەوە دەستێوەردانیان لەپرسی سوریادا کردوە

لەلێدوانێکیدا بۆ رۆژنامەنوسان، کلچدارئۆغلۆ راشیگەیاندوە هەریەک لەئەردۆغان، نەتەوە یەکگرتوەکانی ئەمریکا و سعودیە و قەتەر بەناوی دیموکراسییەوە دەستێوەردانیان لەپرسی سوریادا کردوە و هاوکات پشتیوانی گروپە تیرۆرستییەکانیشیان کردوە کە بونەتە هۆکاری وێرانکردنی ئەو وڵاتە و هەزاران خێزانیش ماڵ و حاڵی خۆیان بەجێهێشتوە.

سەرۆکی پارتی ئۆپۆزسیۆنی تورکیا راشیگەیاند، ئەردۆغان پشتیوانی داعشی کردوە چونکە وەک رێکخراوێکی تیرۆرستی نەیناساند، تەنانەت دوای کردەوە تیرۆرستییەکانی ئەو رێکخراوە لەئیستانبول و ئەنقەرە کە گیانی سەدان هاوڵاتی تورکی کردە قوربانی.

جەختیشی کردوە، چارەىسەرکردنی کێشەکانی نێوان سوریا و تورکیا پێویستی بەهەماهەنگی راستەوخۆی هەردولا هەیە.

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP