میراتی بەغدادی بۆ موسڵ چیبو
هاوڵاتیانی موسڵ باس لە ساتی راگەیاندنی کوژرانی ئەبوبەکر بەغدادی دەکەن

- 10/29/2019 11:48:00 AM 6885 جار خوێندراوەتەوە

خەندان-    

هاوڵاتیانی موسڵ چیرۆکی راگەیاندنی خەلافەتی داعش لەلایەن ئەبوبەکر بەغدادی، خەلیفەی داعش دەگێڕنەوە و باسی ئەو نەهامەتیانە دەکەن کە لەماوەی سێ ساڵی خەلافەتەکەدا لە موسڵ بەچاوی خۆیان بینیویانە.
کاتێک بەغدادی، خەلیفەی داعش لە مزگەوتی مونەبەرەوە دەرکەوت، بۆ راگەیاندنی خەلافەتەکەی لە ساڵی 2014 دا، هاوڵاتیانی موسڵ هیچ بیرۆکەیەکیان لەسەر ئەو کاولکاریە نەبو

 

کاتێک ئەبوبەکر بەغدادی، خەلیفەی داعش لە مزگەوتی مونەبەرەوە دەرکەوت، بۆ راگەیاندنی خەلافەتەکەی لە ساڵی 2014 دا، هاوڵاتیانی موسڵ هیچ بیرۆکەیەکیان لەسەر ئەو کاولکاریە نەبو، کە لەشارەکەیاندا ئەنجامیدەدات.
لەوکاتەدا کە لەسەر میمبەرەکەوە دەرکەوت، کەس نەیدەناسی، بەغدادی خۆی وەک خەلیفەی ملیۆنەها خەڵکی عێراق و سوریا ناساند

 

فەهد قەشمو، کە یەکێک بو لە گوێگرانی ئەو وتارە بەناوبانگەی بەغدادی دەڵێت، "لەوکاتەدا کە لەسەر میمبەرەکەوە دەرکەوت، کەس نەیدەناسی، بەغدادی خۆی وەک خەلیفەی ملیۆنەها خەڵکی عێراق و سوریا ناساند".
ئەو لە مزگەوتێکەوە دەرکەوت، کە جێگەی ئاشتی بو لای ئێمە، بەڵام کردی بە دۆزەخ

 

قەشمو کە باوکی هەشت منداڵە باس ئەو ساتەوەختە دەکات و وتی، "ئەو لە مزگەوتێکەوە دەرکەوت، کە جێگەی ئاشتی بو لای ئێمە، بەڵام کردی بە دۆزەخ".

مزگەوتی مونەبەر تەمەنی 850 ساڵ بو، نیشانەی شانازی خەڵکی موسڵ بوە، بەڵام لەکاتی روخانی داعش لە عێراق لە ساڵی 2017 خاپورکرا.
بەغدادی ریشێکی درێژی هەبو جلی رەشی لەبەر دەکرد، زۆر بە جوانی دەیتوانی بدوێت، لەو جێگەیەی کە دەردەکەوت، تۆڕی پەیوەندیەکان دەپچڕان

 

دانیشتوانی موسڵ دەڵێن، "بەغدادی ریشێکی درێژی هەبو جلی رەشی لەبەر دەکرد، زۆر بە جوانی دەیتوانی بدوێت، لەو جێگەیەی کە دەردەکەوت، تۆڕی پەیوەندیەکان دەپچڕان و کۆمەڵێک فڕۆکەی بێفڕۆکەوان و چاودێری تایبەتی هەبو، کە زۆربەیان بییانی بون".

هاوکات قەشمو باس لەوەدەکات، بەغدادی بەشێوەیەکی چاوەڕواننەکراو دەرکەوت و داوای لێیانکردوە "وەفاداربن بۆ دەوڵەتەکەی".

دانیشتوانی موسڵ لەکاتی راگەیاندنی کوشتنی ئەبوبەکر بەغدادی کە رۆژی یەکشەممەی ئەم هەفتەیە لەلایەن دۆناڵد ترەمپ، سەرۆکی ویلایەتە یەکگرتوەکانی ئەمریکاوە بڵاوکرایەوە "گریاون".
ئەوکاتەی ئەو پیاوە لە مزگەوتەکەمان دەرکەوت، زانیم لەو رۆژە بەدواوەى توشی نەهامەتی دەبینەوە

 

یەکێکی دیکە لە دانیشتوەنی موسڵ پیاوێکی تەمەن 60 ساڵان بو بەناوی ئەبو عەمران، ئەو دەڵێت، "ئەوکاتەی ئەو پیاوە لە مزگەوتەکەمان دەرکەوت، زانیم لەو رۆژە بەدواوەى توشی نەهامەتی دەبینەوە، لەوکاتەدا بەکوڕەکەم وت، ئەم پیاوە کوشتار و توندوتیژی لەگەڵ خۆیدا هێناوە".

ئەبو عەمران ئاماژەی بەوەشکرد، "لەو کاتانەدا خەڵکی موسڵ زۆر برسی و بێئاو بون، هیوا دەخوازم ئەوەی رویدا دوژمنەکەشم نەیبینێت".
دڵخۆش دەبوم ئەگەر ماڵەکەم بە موشەک بۆردومان نەکرایە و کوڕەکەمیان شەهید نەکردایە، ئێمە هەرگیز تامی سەرکەوتنمان نەکرد

 

کاتێک پرسیاری لە ئەبو عەمران کرا لەبارەی ئەوەی ئایا دڵخۆشە بە مردنی بەغدادی لەوەڵامدا وتی، "دڵخۆش دەبوم ئەگەر ماڵەکەم بە موشەک بۆردومان نەکرایە و کوڕەکەمیان شەهید نەکردایە، ئێمە هەرگیز تامی سەرکەوتنمان نەکرد چۆن دەتوانم دڵخۆشبم".

یەکێکی دیکە لە دانیشتوانی موسڵ کە روداوەکانی ئەوکاتەی بەچاوی خۆی بینیوە داود عومەر داودە، دوکاندارێکی تەمەن 42 ساڵانە و دەگێڕێتەوە، "ئێمە لێدەدراین بەهۆی کێشانی جگەرەوە، یاخو ئەگەر ژنەکانمان بچونایەتە دەرەوە و دەموچاویان دانەپۆشیایە، یان مۆبایلمان بەکاربهێنایە".
مردنی بەغدادی گرنگ نیە بۆمان، ئەو هەر کە قاچی کردە ناو شارەکەمانەوە هەمومانی کوشت

 

ئەو وتیشی، "مردنی بەغدادی گرنگ نیە بۆمان، ئەو هەر کە قاچی کردە ناو شارەکەمانەوە هەمومانی کوشت".
ئەبوبەکر بەغدادی ناوی تەواوی ئیبراهیم عەواد ئیبراهیم عەلی بەدری سامەڕائییە، ساڵی 1971 لە نزیک قەزای سامەڕای سەر پارێزگای سەلاحەدین لە دایک بوە

 

ئەبوبەکر بەغدادی ناوی تەواوی ئیبراهیم عەواد ئیبراهیم عەلی بەدری سامەڕائییە، سەرۆکی رێکخراوی داعشە لە سوریا و عیراق، ساڵی 1971 لە نزیک قەزای سامەڕای سەر پارێزگای سەلاحەدین لە دایک بوە.
لە 2014دا و دوای کۆنتڕۆڵکردنی موسڵ و زۆربەی ناوچە سوننەنشینەکانی دیکەی عێراق و روبەرێکی فراوان لە سوریا، بەغدادی خەلافەتی داعشی راگەیاند

 

لە 2014دا و دوای کۆنتڕۆڵکردنی موسڵ و زۆربەی ناوچە سوننەنشینەکانی دیکەی عێراق و روبەرێکی فراوان لە سوریا، بەغدادی خەلافەتی داعشی راگەیاند، ئەمریکا بڕی 25 ملیۆن دۆلاری بۆ هەرکەسێک تەرخانکردبوە کە شوێنی راستەقینەی بەغدادی ئاشکرا بکات یان بیکوژێت.

هێزەکانی ئەمریکا لە ئۆپەراسیۆنێکی تایبەتدا لە هاوکاری و هەماهەنگی هێزەکانی سوریای دیموکرات (هەسەدە) لە بەرەبەیانی رۆژی یەکشەممەی ئەم هەفتەیە 27ی ئۆکتۆبەر، توانیان بەغدادی بکوژن و کۆتایی بە چیرۆکی پێنج ساڵ راوەدونانی ئەو سەرکردەیەی گەورەترین رێکخراوی چەکداری بهێنن.


Copyright © 2016 Xendan.org all rights reserved

designed and developed by AVESTA GROUP