بەپەلە

کەشناسی هەرێمی کوردستان: بارانبارین بەردەوام دەبێت

- 10/28/2019 11:41:00 AM 68859 جار خوێندراوەتەوە

خەندان-

بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند، ئەمڕۆ لە هەرێمی کوردستان ئاسمان لە نێوان پەڵە هەور و نیمچە هەور دەبێت و سبەینێش ئەگەری بارانبارین هەیە لە چەند ناوچەیەکی جیاواز.

بەڕێوەبەرایەتی کەشناسی و بومەلەرزەزانی هەرێمی کوردستان پێشبنیەکانی ئەمڕۆو سبەی بڵاوکردەوە و رایگەیاند، ئەمڕۆ لە هەولێر ئاسمان لە نێوان پەڵە هەور و نیمچە هەور دەبێت، سبەی سێشەممەش ئاسمان لە نێوان نیمچە هەور و هەور تەواودەبێت لەکاتەکانی دواینیوەڕۆی نمەباران دەبێت لەکاتەکانی جیاجیادا.

ئاماژەی بەوەشکردوە، ئەمڕۆ لە سلێمانی ئاسمان نیمچە هەور دەبێت و لە هەندێک شوێن دەگۆڕێت بۆ هەوری تەواو سبەی سێشەممەش ئاسمان لە نێوان نیمچە هەور و هەور تەواودەبێت لەکاتی جیاجیا باران دەبێت.

کەشناسی باسی لەوەشکردوە، ئەمڕۆ لە دهۆک ئاسمان نیمچە هەور دەبێت و لە هەندێک شوێن دەگۆڕێت بۆ هەوری تەواو، سبەینێش ئاسمان لە نێوان نیمچە هەور و هەوری تەواو دەبێت و لەکاتەکانی دواینوەڕۆ نیمەباران دەبێت.

بەپێی راگەیەندراوەکەی کەشناسی، ئەمڕۆ لە کەرکوک ئاسمان لە نێوان پەڵە هەور و نیمچە هەور دەبێت، سبەی سێشەممەش ئاسمان لە نێوان نیمچە هەور و هەوری تەواو دەبێت و لەکاتەکانی ئێوارە نمەباران دەبێت.


Copyright © 2016 Xendan.org all rights reserved

designed and developed by AVESTA GROUP