بەڵگەی تێوەگلانی شۆفێری بارهەڵگرەکەی بریتانیا "لە کوشتنی" 39 کەسەکە دۆزرایەوە

- 10/24/2019 12:15:00 PM 68949 جار خوێندراوەتەوە

خەندان-         

ئەو شۆفێرەی کە وەک تۆمەتباری سەرەکی ئەنجامدانی تاوانی کوشتنی 39 کەس لە بارهەڵگرێکدا لە بریتانیا دەستگیرکراوە، وێنەیەکی لە تۆڕە کۆمەڵایەتییەکان کە لەگەڵ بارهەڵگرەکەدا گرتویەتی بڵاوکردوەتەوە، ئەوەش وەک بەڵگە لەسەر تێوەگلانی بە ئەو تاوانەوە هەژماردەکرێت.

دوێنێ هەینی پۆلیس بریتانیا رایگەیاند، لە رۆژهەڵاتی بریتانیا تەرمی 39 کەس لەناو بارهەڵگرێکدا دۆزراونەتەوە، کە یەکێکیان مێردمنداڵێکە و پێدەچێت خنکێندرابن.
لە روداوە تراژیدیاکەدا 39 کەس گیانیان لەدەستداوە، لە ئێستاشدا تیمەکانمان لە لێکۆڵینەوەدان

 

ئەندرۆ مالینر، بەرپرسی چاودێر لە لێکۆڵینەوەی روداوەکە باسی لەوەکردوە، "لە روداوە تراژیدیاکەدا 39 کەس گیانیان لەدەستداوە، لە ئێستاشدا تیمەکانمان لە لێکۆڵینەوەدان، بۆ دەستنیشانکردنی ناسنامەی کوژراوەکان و بزانین چی رویداوە، بەڵام ئەوکارە کاتێکی زۆری دەوێت".
مو رۆبنسۆ، گەنجێکی تەمەن 25 ساڵی ئێرلەندیە، لە ئێستادا وەک تۆمەتباری سەرەکی بە تاوانی کوشنتی ئەو 39 کەسە دەستگیرکراوە

 

مو رۆبنسۆ، گەنجێکی تەمەن 25 ساڵی ئێرلەندیە، لە ئێستادا وەک تۆمەتباری سەرەکی بە تاوانی کوشنتی ئەو 39 کەسە دەستگیرکراوە، کە دوێنێ لەناو بارهەڵگرێکدا دۆزرانەوە.
ئەو گەنجە دانیشتوی بوتاداونە لە ناوچەی ئەرمانگە لەئیرلەندای باکور، تا ساڵی رابردو کاری بۆ کۆمپانیایەکی گواستنەوە کردوە

 

ئەو گەنجە دانیشتوی بوتاداونە لە ناوچەی ئەرمانگە لەئیرلەندای باکور، تا ساڵی رابردو کاری بۆ کۆمپانیایەکی گواستنەوە کردوە، لە پاشاندا وازی لە کارەکەی هێناوە.
ئەو بارهەڵگرە رەنگی سوربوە و بۆ گواستنەوەی خواردەمەنی بەستو بەکارهاتوە و لە بولگالیاوە هاتوەتە بریتانیا

 

ئەو بارهەڵگرە رەنگی سوربوە و بۆ گواستنەوەی خواردەمەنی بەستو بەکارهاتوە و لە بولگالیاوە هاتوەتە بریتانیا، ئەو ناوچەیەی کە تاوانەکەی تیایدا رویداوە نزیکە لە بازاڕێکەوە لەسەر رێگای 25 بەرەو دراتفۆڕت.

شۆفێری بارهەڵگرەکە کە دوێنێ دوای روداوەکە دەستگیرکرا، وێنەیەکی سێلفی لەگەڵ ئەو بارهەڵگرە سورەدا بڵاوکردبوەوە، بە شانازیەوە نوسیویەتی، "جەمسەری تیژ، یان خێرا"، ئەمەش وەک بەڵگەیەک لەسەر تێوەگلانی ئەو شۆفێرە بەو تاوانە گەورەیە سەیر دەکرێت.


Copyright © 2016 Xendan.org all rights reserved

designed and developed by AVESTA GROUP