ڤیدیۆ..لە یاریگایەکی ئەڵمانیا ئاڵا و دروشمی رۆژئاڤا بەرزکرایەوە

- 10/21/2019 4:54:00 PM 15105 جار خوێندراوەتەوە

خەندان-

لە میانی یاریەکانی دەرەجەی دوی خولی ئەڵمانی، یانەی ست پاولی و دارمسدات لە یاریگای ست پاولی یاری چوارەمی ئەم خولەیان ئەنجامدا، ئەوەی جێی سەرنج بو هەڵکردنی ئاڵا و رەنگی رۆژئاڤا بو لەناو یاریگادا، وەک پشتگیریەک بۆ بەرخۆدان شەرڤانانی هەسەدە.

هەواداران لەناو یاریگادا بە نوسینی "بژی رۆژئاڤا" و دروستکردنی ئاڵا و رەنگەکانی رۆژئاڤا  پشتگری خۆیان بۆ کوردانی رۆژئاڤا دەربڕی.

ئەوە لە کاتێکدایە، هەفتەی رابردو جەنک شاین کە بە رەگەز تورکە و یاریزانی ‌هێڵی ناوەراستی ئەو یانەیەیە بەهۆی ئەنجامدانی سڵاوی سەربازی وەک پشتگیریەک بۆ لەشکرکێشیەکانی سوپای ولاتەکەی بۆ سەر رۆژئاڤا، لەلایەن ئیدارەی یانەکەیەوە لە یانەکەی دورخرایەوە.


Copyright © 2016 Xendan.org all rights reserved

designed and developed by AVESTA GROUP