بەپەلە

پزیشكێكی كورد بە سەرپەرشتیاری پرۆژەیەكی نێودەوڵەتی هەڵدەبژێردرێت

- 10/20/2019 10:34:00 PM 7776 جار خوێندراوەتەوە

خەندان-

دكتۆر سەرخێڵ رەزا، وەک پزیشکێکى کورد بەشدارى لە کۆنفرانسى جیهانى نەخۆشیەکانى نازۆری حەوزی كرد و بە سەرنوسەرى گاید لاینى رێکخراوەکە دەستنیشانکرا.

دكتۆر سەرخێڵ رەزا لە لێدوانیدا بۆ خەندان رایگەیاند،"ئەمە یەکەم گاید لاینە بۆ هەمو جیهان لەسەر نازۆرى حەوز، دەبێت هەمو ئەو پزیشکانەى نازۆرى حەوز دەکەن لە هەمو جیهاندا بەپیى ئەو گاید لاینە کاربکەن".

راشیگەیاند،"پرۆژەكە، گاید لاینێكە لەسەر ئەوەی هەر دكتۆرێك بیەوێت چارەسەرێك بۆ نازۆری حەز بكات، گرنگە ئەو گاید لاینە بخوێنێتەوە كە كۆی گشتی پرۆژەكە لە ئێستادا 155 رێنماییە و لە دو بەش پێك هاتوە و لە كۆنفرانسەكە داوام لێكرا تاكو ساڵی 2020 بەشی سێیەم و چوارەم و پێنجەمی بۆ زیادبكەم.

ئاماژەى بەوەشکرد، گاید لاینەکە لەلایەن گۆڤارێکى جیهانیەوە وەرگیراوە و بەمزاوانە بڵاویدەکەنەوە.

دكتۆر سەرخێڵ خەڵكی شاری سلێمانییە و لە ساڵی 2003ەوە لە بریتانیا نیشتەجێیە،  لە ساڵی 2017 بەباشترین دكتۆری ساڵ لە لەندەن هەڵبژێردراوە، لە سەنتەری جومگە گۆڕین لە باشوری رۆژئاوای لەندەن كە لەساڵی 2004 ەوە دامەزراوە، لە مانگی 8ی ئابی 2019 توانیویەتی خەڵاتی باشترین دكتۆری مانگ وەربگرێت.

 



Copyright © 2016 Xendan.org all rights reserved

designed and developed by AVESTA GROUP