بەپەلە

" سەرکەوتوترین نمونەی دیموکراسی لەرۆژئاڤا نیشاندراوە "
فۆرین پۆلیسی: کورد هەرچی بێت داعش نیە

- 10/20/2019 7:22:00 PM 7874 جار خوێندراوەتەوە

خەندان-
لەبابەتێکدا بەناونیشانی " بۆچی تورکیا شەڕی کوردەکان دەکات؟" دامەزراوەی میدیایی فۆرین پۆلیسی ئەمریکی کە ساڵانە 49 ملیۆن خوێنەری بابەتەکانی هەیە رایگەیاندوە، کورد هەرچی بێت داعش نیە.

لەبابەتەکەدا، ئەو دامەزراوە میدیاییەی ئەمریکا کە خاوەنی پڕفرۆشترین گۆڤارە لەجیهاندا، لەسەرەتای بابەتەکەدا ئاماژەی بەوەکردوە کە رەجەب تەیب ئەردۆغانی سەرۆکی تورکیا کوردەکان بەتیرۆرست ناودەبان، بەڵام ئەو باوەڕپێنەکراوترین سەرکردەیە لەجیهاندا.

لەبارەی هەڵوێستەکانی ئەمریکا و کاردانەوەی کورد لەوبارەیەوە، فۆرین پۆلیسی بەجۆرێک شیکاری دۆخەکەی کردوە کە خوێنەرانی باش تێدەگەن بەجێهێشتنی کوردەکان وەک سەرەکیترین هاوپەیمانی ئەمریکا لەشەڕی داعشدا بڕیارێکی هەڵەیە و بە " خیانەت " ناوی بردوە.

لەکۆتایشدا، فۆرین پۆلیسی رونیکردۆتەوە کە ئەو قسەیەی رەجەب تەیب ئەردۆغان کە دەڵێت " کورد تیرۆرستە" لەراستییەوە دورە، بەوپێیەی توانیویانە ناوچەکانی خۆیان زۆر بەباشی کۆنترۆڵ بکەن و بێکێشەترین ناوچە بوە بەبەراورد بەناوچەکانی دیکەی سوریا کە بەدەست گرفتی شەڕی تایفی و تیرۆرستییەوە دەناڵێنن.

هەروەها، ئەو دامەزراوە ئەمریکییە نمونەی ئەوەشی هێناوەتەوە کە ناوچەی رۆژئاڤا فرە مەزهەب و فرە نەتەوەیە و وەک سەرکەوتوترین نمونەی دیموکراسی لەناوچەکە دانیپیانراوە.


Copyright © 2016 Xendan.org all rights reserved

designed and developed by AVESTA GROUP