بەپەلە

پۆلیسی سۆران: هاوڵاتییەک کۆتایی بە ژیانی خۆیهێنا

- 10/19/2019 12:07:00 PM 7557 جار خوێندراوەتەوە

خەندان-

بەڕێوەبەری راگەیاندنی بەڕێوەبەرایەتی پۆلیسی سۆران رایگەیاند، ئێوارەی دوێنێ تەرمێک گەیەندراوەتە نەخۆشخانەی مێرگەسۆر کە بەوتەی کەسوکاری "کۆتایی بەژیانی خۆیهێناوە".  

مقەدەم شەماڵ دێواڵی، بەڕێوەبەری راگەیاندنی بەڕێوەبەرایەتی پۆلیسی سۆران بە خەندان-ی راگەیاند،  "ئێوارەی دوێنێ هەینی بەشی پۆلیسی مێرگەسۆر ئاگادارکراونەتەوە کە تەرمێک گەیەندراوەتە نەخۆشخانەی مێرگەسۆر، کە لەدایکبوی ساڵی 1976 ەو پیشەی کاسب بوە".

ئاماژەی بەوەشکردوە، بەوتەی کەسوکاری هاوڵاتییەکە "کۆتایی بەژیانی خۆیهێناوە"و لە ئێستاشدا لێکۆڵینەوەکان دەستیپێکردوە، دوای ئەوەی توێکاری بۆ تەرمەکەی کراوە رادەستی کەسوکاری کراوەتەوە.

بەپێی وتەی بەڕێوەبەری راگەیاندنی بەڕێوەبەرایەتی پۆلیسی سۆران هاوڵاتییەکە دانیشتوی ناحیەی پیران-ی سەر بەقەزای مێرگەسۆرە و لە ئێستاشدا لێکۆڵینەوە لە هۆکاری گیان لەدەستدانی دەکەن.


Copyright © 2016 Xendan.org all rights reserved

designed and developed by AVESTA GROUP