بەپەلە

کەجەکە هەڵوێستی خۆی لەبارەی راگەیاندنی ئاگربەست لەباکوری سوریا راگەیاند

- 10/19/2019 10:44:00 AM 16901 جار خوێندراوەتەوە

خەندان-

بەڕێوەبەرایەتی کۆنسەی کۆماجڤاکێن کوردستان (کەجەکە) رایگەیاند، دەبێت ئاگربەست بە کشانەوەی هێزەکانی "داگیرکەر" بگاتە ئەنجام و پێویستە گەلانی باکوری سوریا بێ ئەو پێشمەرجە ئاگربەست قبوڵنەکەن.

بەڕێوەبەرایەتی کۆنسەی کۆماجڤاکێن کوردستان (کەجەکە) لە راگەیەندراوێکدا رایگەیاندوە، دوای رێککەوتنی ئەمریکا و تورکیا لەسەر راگەیاندنی ئاگربەست لە باکوری سوریا و رازیبونی ئیدارەی باکور و رۆژهەڵاتی سوریا بەو ئاگربەستە، بە پێویستی دەزانن داوا لە رای گشتی و وڵاتان بکەن کە دوای ئاگربەست هێزە "داگیرکارییەکان" لە ناوچەکدا بکشێنەوە، چونکە بە هەمو واتایەکی یاسای و ئەخلاقی مانەوەی ئەو هێزانە رەوایەتی نیە.
هەر دوای ئاگرەبەستەکە ئەردۆغان ئاماژەی بەوەکردوە ئەگەر مەرج و داخوازییەکانی ئەو لە باکوری سوریا جێبەجێنەکرێن جارێکی دیکە ئۆپەراسیۆن دەستپێدەکاتەوە

 

باس لەوەشکراوە، "هەر دوای ئاگرەبەستەکە ئەردۆغان ئاماژەی بەوەکردوە ئەگەر مەرج و داخوازییەکانی ئەو لە باکوری سوریا جێبەجێنەکرێن جارێکی دیکە ئۆپەراسیۆن دەستپێدەکاتەوە، کەجەکە وای دەبینێت ئاگربەستەکە بۆ رزگارکردنی ئەردۆغان و ترەمپە لەو فشارەی بەهۆی هێرشەکەوە لەسەریانە، بۆیە بۆ گەلانی باکوری سوریا ئاگربەست بەبێ کشانەوەی هێزە داگیرکارییەکان لە بەرژەوەندییان نابێت".
کەجەکە وای دەبینێت ئاگربەستەکە بۆ رزگارکردنی ئەردۆغان و ترەمپە لەو فشارەی بەهۆی هێرشەکەوە لەسەریانە

 

هەپەگە راشیگەیاندوە، "پێویستە لێکۆڵینەوە لەو تاوانانە بکرێت کە حکومەتی فاشیستی ئاکەپە-مەهەپە بەرامبەر خەڵکی مەدەنی لە سوریا ئەنجامیانداوە و چەکی قەغەدەکراویان لە هێرشەکانیاندا بەکارهێناوە، ئەرکی رێکخراوەکانی مافی مرۆڤە لەسەر ئەو پرسە بێنەدەنگ".
ئاگربەست بە هەوڵ  و بەرخۆدانی شەڕڤانانی هەسەدە و گەلانی باکوری سوریا بەدیهاتوە

 

ئەوەش خراوەتەڕو، ئاگربەست بە هەوڵ  و بەرخۆدانی شەڕڤانانی هەسەدە و گەلانی باکوری سوریا بەدیهاتوە، کەجەکە داوا لە هەمو هاوڵاتیان و چالاکوانیانی کورد دەکات هەوڵەکانیان بۆ گەڕانەوەی ئارامی بۆ باکوری سوریا چڕبکەنەوە و بۆ ئەوەی ئەو ئاگربەستە ببێتە هۆی گەڕانەوەی ئارامی هەمیشەیی بۆ گەلان ناوچەکە.


Copyright © 2016 Xendan.org all rights reserved

designed and developed by AVESTA GROUP