بەپەلە

سەرەڕای رێککەوتن، ئاوارەبون بەردەوامە
نەتەوەیەکگرتوەکان: لە پێنج رۆژدا 2330 کەس لە سوریاوە ئاوارەی عێراق بون

- 10/19/2019 9:39:00 AM 1218 جار خوێندراوەتەوە

خەندان-

بەشی کاروباری مرۆیی سەر بە نەتەوەیەکگرتوەکان رایگەیاند، سەرەڕای ئەوەی تورکیا رایگەیاندوە هێرشەکانی بۆ سەر باکوری سوریا دەوەستێنێت، بەڵام ئاوارەبونی دانیشتوانی ناوچە سنورییەکانی سوریا بەهۆی ئۆپەراسیۆنەکەوە بەردەوامە و سەدان ئاوارەش گەیشتونەتە عێراق.
لەگەڵ ئەوەی کە ئەنقەرە رایگەیاندوە ئۆپراسیۆنەکەی بۆ سەر باکوری سوریا وەستاندوە، بەڵام تا بەرەبەیانی ئەمڕۆش بۆردومانکردنی ناوچەکانی سەرێ کانی بەردەوام بوە

 

یەنیس لایرکی، وتەبێژی بەشی کاروباری مرۆیی سەر بە نەتەوەیەکگرتوەکان رایگەیاند، لەگەڵ ئەوەشدا کە ئەنقەرە رایگەیاندوە ئۆپراسیۆنەکەی بۆ سەر باکوری سوریا وەستاندوە، بەڵام تا بەرەبەیانی ئەمڕۆش بۆردومانکردنی ناوچەکانی سەرێ کانی بەردەوام بوە و لەگەڵ ئەوەدا کە لە ناوچەکانی دیکە دۆخە ئارامی بەخۆیەوە بینیوە.
 بۆ رۆژی پێنجەم لەسەر یەک ئاوارەبونی دانیشوانی باکور و رۆژهەڵاتی سوریا بۆ عێراق بەردەوام

 

لای خۆیەوە ئەندریە ماهیسیتش، وتەبێژی بەشی کاروباری ئاوارەکانی سەر بە نەتەوەیەکگرتوەکان سەبارەت بە رێژەی ئاوارەبون باسی لەوەکردوە، بۆ رۆژی پێنجەم لەسەر یەک ئاوارەبونی دانیشوانی باکور و رۆژهەڵاتی سوریا بۆ عێراق بەردەوامە، شەوی رابردو 730 ئاوارەی سوریا گەیشتونەتە عێراق، لە چوار رۆژی پێشوتریشدا هەزار و 600 ئاوارە هاتونەتە ناو عێراق.
نەتەوەیەکگرتوەکان داوا لە لایەنە ناکۆکەکان دەکات ژیانی مەدەنیەکان و ژێرخانی ناوچەکانی شەڕ بپارێزن

 

ئاماژەی بەوەشکردوە، نەتەوەیەکگرتوەکان داوا لە لایەنە ناکۆکەکان دەکات ژیانی مەدەنیەکان و ژێرخانی ناوچەکانی شەڕ بپارێزن و رێگری بۆ ئەو کەسانە دروستنەکەن دەخوازن بەهۆی شەڕەوە ناوچەکانیان جێبهێڵن.
نۆی ئەم مانگە، سوپای تورکیا بە پاڵپشتی گروپە چەکدارەکانی نزیک لە تورکیا ئۆپەراسیۆنی سەربازی ئاسمانی و دواتریش زەمینی بۆ سەر ناوچەکانی رۆژهەڵاتی فورات دەستپێکرد

 

نۆی ئەم مانگە، سوپای تورکیا بە پاڵپشتی گروپە چەکدارەکانی نزیک لە تورکیا ئۆپەراسیۆنی سەربازی ئاسمانی و دواتریش زەمینی بۆ سەر ناوچەکانی رۆژهەڵاتی فورات دەستپێکرد، کە لە ژێر کۆنتڕۆڵی هێزەکانی سوریای دیموکرات (هەسەدە) دایە.

رێكخراوی لێبوردەیی نێودەوڵەتی Amnesty International راپۆرتێکی لەبارەی پێشێلکاریەکانی سوپای تورکیا و گروپە چەکدارەکان بڵاوکردەوە و رایگەیاند،  "سوپای تورکیا و گروپە چەکدارەکان ره‌فتاری جێگای شه‌رمیان به‌رامبه‌ر به‌ هاوڵاتیانی سڤیل ئەنجامداوە، وه‌ک چه‌ندین پێشێلکاری جددی و تاوانه‌کانی شه‌ڕ که‌ کوشتنی هه‌ڕه‌مه‌کی و هێرشه‌کانی نایاسایی ده‌گرنه‌وه‌".


Copyright © 2016 Xendan.org all rights reserved

designed and developed by AVESTA GROUP